Shqipëria konsiderohet “delja e zezë” e Evropës, në kultivimin dhe trafikimin e lëndëve narkotike. Këtë e kanë pohuar raporte të shumta nga DASH, CIA, antidroga italiane, Qendra Evropiane e Monitorimit të Drogave etj. Ndërkohë që Porti i Durrësit është kthyer në një linjë fikse të tonelatave të kokainës nga Amerika Latine, ambiente e mbyllura kryesisht tunelet dhe magazinat janë baza më të sigurta për të mbjellë kanabis gjatë gjithë vitit
Ky numër kultivimi në ambiente të mbyllura ka gjasa të rritet, sepse kjo metodë ka rezultuar efikase. Së dyti, nuk sjell probleme dhe kosto, që lidhen me kushtet sezonale
Vendi ynë mund të konsiderohet “delja e zezë” e Evropës, përsa i përket kultivimit e trafikimit të lëndëve narkotike. Këtë e kanë pohuar raporte të shumta gjatë viteve të fundit, nga DASH, CIA, antidroga italiane, Qendra Evropiane e Monitorimit të Drogave etj. Të gjithë këto institucione ndërkombëtare kanë pasur si kryefjalë faktin se Shqipëria është vendi kryesor në Evropë për qarkullimin e drogave. Porti i Durrësit është kthyer në një linjë fikse të tonelatave të kokainës nga Amerika Latine më konkretisht nga Ekuadori. Shpesh ndodh që lidhjet me drogën dhe hashashin duket se janë shumë të forta, pasi pas çdo parcele del një emër i lidhur fort me pushtetin.
Bazuar në raportin e fundit të Departamentit Amerikan të Shtetit për drogën, të publikuar në mars të këtij viti, Shqipëria konsiderohet një “vend burim i kanabisit dhe një bazë vendase për grupet e krimit të organizuar, që qarkullojnë drogat .
Bandat shqiptare kultivojnë kanabis në ambiente të mbyllura për të shmangur zbulimin
Pasi goditjet e policisë e bënë më të rrezikshëm kultivimin e kanabisit në natyrë, bandat në dy vitet e fundit i janë drejtuar gjithnjë e më shumë kultivimit të tij në ambiente të mbyllura, të cilat policia nuk mund t’i dallojë nga ajri.Të dhënat e siguruara nga BIRN tregojnë se ndërsa gjatë vitit 2021 janë regjistruar vetëm tre raste të kultivimit të kanabisit në ambiente të mbyllura, numri i rasteve u rrit në 18 deri në maj të këtij viti. I kërkoi policisë të dhëna për pesë vitet e fundit, por ata nuk kishin të dhëna përpara vitit 2021.“Gjatë vitit 2021 janë identifikuar tre raste të kultivimit në ambiente të mbyllura. U asgjësuan 379 bimë kanabis sativa të identifikuara dhe 34 rrënjë kubik”,- tha policia.“Për vitin 2022 janë evidentuar gjithsej 18 raste, nga të cilat në tre raste janë gjetur vetëm elektroshtëpiake, llamba etj, pa bimë për kultivim. U asgjësuan 3342 bimë kanabis sativa dhe 2,318 rrënjë kubik”, shtuan ata. “Ky lloj aktiviteti i paligjshëm kryhet në hapësira të përshtatura si sera, magazina, tunele, ndërtesa të braktisura, ish-reparte ushtarake etj”, vijoi policia.
Fabian Zhilla, një ekspert sigurie dhe krimi në Tiranë, thotë se shifrat ka të ngjarë të rriten, sepse kjo metodë e kultivimit të kanabisit konsiderohet më e sigurt nga hetimet e policisë, krahasuar me të tjerat, dhe se është një metodë e mësuar nga jashtë dhe e vërtetuar që është efikase.“Kjo metodë shihet si një mënyrë e sigurt për t’u mbrojtur nga hetimet që policia bën qoftë nga ajri, qoftë nga burime të brendshme. Vjen si rezultat i eksperiencave, që shqiptarët kanë fituar kryesisht në Beneluks dhe po i zbatojnë dhe ka pasur sukses”,- tha ai .“Ky numër ka gjasa të rritet, sepse kjo metodë ka rezultuar efikase. Së dyti, nuk sjell probleme dhe kosto që lidhen me kushtet sezonale”,- shtoi ai.
Bazuar në raportin e fundit të Departamentit Amerikan të Shtetit për drogën, të publikuar në mars të këtij viti, Shqipëria konsiderohet një “vend burim i kanabisit dhe një bazë vendase për grupet e krimit të organizuar, që qarkullojnë drogat e paligjshme nga vendet burimore në tregjet evropiane”.“Kanabisi shqiptar dërgohet në Turqi dhe shkëmbehet me heroinë dhe kokainë, të cilat kontrabandohen nëpër Evropë nga trafikantë kombëtarë shqiptarë. Sundimi i dobët i ligjit, korrupsioni dhe niveli i lartë i papunësisë janë shtytësit kryesorë të problemit të kontrollit të drogës në Shqipëri,- thotë raporti. Në një raport të mëparshëm, vuri në dukje se 8,328 shqiptarë u ndoqën penalisht për kultivim ose trafik kanabisi midis 2013 dhe 2019, nga të cilët 3,739 u dënuan.
Kultivimi i kanabisit në shkallë të gjerë në Shqipëri daton në fillim të viteve 1990, jo shumë kohë pas rënies së diktaturës komuniste, kur gjendja e paqëndrueshme e ekonomisë çoi në trazira të gjera. E depërtuar nga bandat kriminale gjithnjë e më të fuqishme, industria arriti kulmin në vitin 2016, kur Shqipëria ishte një nga prodhuesit më të mëdhenj në botë. Me ndihmën e monitorimeve italiane nga ajri, midis vitit 2013 dhe 2019, autoritetet identifikuan 613 hektarë tokë të mbjellë me kanabis. Për një kohë të gjatë, kultivimi ishte i përqendruar në dhe rreth fshatit jugor të Lazaratit, dikur i njohur si “kryeqyteti i kanabisit të Evropës”, derisa një bastisje masive e policisë në vitin 2014 shpërndau prodhimin në pjesë të tjera të vendit. Goditja e dytë në 2017 bëri progres, por nuk arriti ta zhdukte prodhimin, duke e shtyrë përsëri atë në zona edhe më të largëta dhe duke ndihmuar në rritjen e çmimeve.
