Policia e Fierit ka vënë në pranga një 53 vjeçar i cili kishte kthyer banesën e tij në Laborator drōge.
Ndalimi i tij është bërë në kuadër të operacionit të koduar “Laboratori”, i cili ishte shpallur në kërkim pasi kishte përshtatur banesën si laborator për të kultivuar drōgë.
Gjithashtu në kuadër të këtij operacioni më parë ishin arrestuar dy autorë të dyshuar, dhe u proceduan penalisht tre elektricistë.
Njoftimi i plotë:
Vijon operacioni antidrōgë i koduar “Laboratori”.
Shkon në 3 numri i të arrestuarve në kuadër të këtij operacioni.
Kapet dhe ndalohet pronari që kishte përshtatur banesën si laborator për të kultivuar drōgë, i cili ishte shpallur në kërkim.
Specialistët për Hetimin e Narkotikëve në Drejtorinë Vendore të Policisë Fier kapën dhe ndaluan shtetasin e shpallur në kërkim:
A.K., 53 vjeç, banues në Mbrostar Ura.
Në datën 01.05.2020, Policia e Fierit zbuloi një laborator që ishte në funksion të kultivimit të bimëve narkotike. Gjatë operacionit u vunë në pranga 2 autorë të dyshuar, u shpallën në kërkim 2 të tjerë dhe u proceduan penalisht 3 elektricistë.
Ditën e sotme u bë e mundur kapja e njërit prej autorëve të shpallur në kërkim, i cili kishte përshtatur banesën si laborator për të kultivuar drōgë.
Vijon puna për kapjen e autorit tjetër që është shpallur në kërkim.
Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.
