Greqi/ Trafikantët shqiptarë të kokainës arrestohen nga roja bregdetare e Mykonos

56

Dy shqiptarë 30-vjeçarë u arrestuan pasditen e sotme, nga roja bregdetare e ishullit të Mykonos, pasi akuzohen për trafikun e drogës.
euro

Pas informacioneve për veprimin e një rrjeti të organizuar të trafikut të drogës në Athinë dhe Mykonos, u kryen kontrolle në shtëpitë e dy të arrestuarve, në zonën “Agia Sofia” të Mykonos.

Me ndihmën e një qeni anti-drogë u gjetën dhe konfiskuan një sasi kokaine.

Gjithashtu në posedim të një prej shqiptarëve u gjetën tre telefona celularë si dhe shuma prej 19,700 euro , ndërsa në një kontroll të mëtejshëm, u zbuluan se të dy kanë hyrë ilegalisht në Greqi.