Një grabitje me armë lodër ka ndodhur mbrëmjen e të enjtes në Tiranë. Burime bëjnë me dije se ngjarja ka ndodhur në një farmaci në bulevardin Zhan D’Ark.
Autori ka arritur të marrë sasinë e parave të xhiros ditore të farmacisë. Autori ka hyrë në ambientet e farmacisë duke nxjerrë një armë zjarri, por që nga vëzhgimet e hollësishme rezultoi se ishte armë lodër, çakmak.
Ai ka kërcënuar shitësin dhe i ka kërkuar vlerën monetare që kishte gjendje dhe më pas është larguar me shpejtësi nga vendgjarja. Policia po heton për ta identifikuar dhe ka sekuestruar kamerat e sigurisë.