TIRANE – Endira Bushati rikthehet në punë në postin që mbantë deri pak muaj, atë të kryetares së Autoritetit të Mediave Audiovizive. Kjo pasi Gjykata e Apelit ka pranuar sot kërkesën e Bushatit për ti hequr masën e pezullimin si kryetare e AMA-s, duke rrëzuar kështu vendimin e Gjykatës së Shkallës së Parë për pezullim të saj nga detyra.
Në këtë mënyrë, sipas vendimit të Apelit, Bushati mund të fillojë punën në krye të AMA-s. Gjykata e Shkallës së Parë kishte pranuar një kërkesë të Prokurorisë për të zgjatur edhe tre muaj pezullimin e Bushatit në krye të AMA-s.
Avokati i Bushatit, Besnik Cerekja e ankimoi vendimin e Shkallës së Parë në Gjykatën e Apelit dhe gjatë ditës së sotme trupa gjykuese i dhanë të drejtë Bushatit. Ky vendim vjen dy ditë pasi Parlamenti pritet të votojë projektvendimin për kryetarin e ri të Autoritetit të Mediave Audiovizive.
