Emri/ Arrestohet personi i shpallur në kërkim ndërkombëtar për trafik droge

568
Sigal

Policia e Fierit ka zhvilluar një tjetër operacion për kapjen e personave të shpallur në kërkim.

Operacioni u zhvillua në bashkëpunim me Sektorin për Hetimin e Narkotikëve, Komisariati i Policisë Fier dhe Interpol Tirana.

Nga ky operacion bien në prangat e Policisë 2 shtetas,1 shtetas i shpallur në kërkim ndërkombëtar për prodhim dhe shitje të narkotikëve dhe 1 tjetër i shpallur në kërkim kombëtar për vjedhje.

Sektori për Shërbimet e Specializuara Policore në DVP Fier, në bashkëpunim me Sektorin për Hetimin e Narkotikëve dhe Interpol Tirana, në bazë të informacioneve të mara në rrugë operative dhe një punë të mirëorganizuar, arrestoi përkohësisht shtetasin shqiptar të shpallur në kërkim ndërkombëtar:

Mariglen Metushi, 32 vjeç, banues në fshatin Boçovë, Fier.

Arrestimi i këtij shtetasi u bë, pasi gjykata Chieti, Itali, me vendimin e datës 08.10.2015, e ka dënuar me 5 vjet e 4 muaj burg, për veprën penale “Prodhimi dhe shitja e lëndëve narkotike”.

Në vijim të kontrolleve të ushtruara, me qëllim kapjen e personave të shpallur në kërkim, specialistët për hetimin e krimeve në Komisariatin e Policisë Fier kapën dhe ndaluan shtetasin:

K. B, 31 vjeç, banues në fshatin Boçovë, Fier.

Ndalimi i këtij shtetasi u bë, pasi Gjykata e Shkallës së Parë Fier, me vendimin e datës 25.01.2020, i ka caktuar masën e sigurisë “Arrest në burg”, për veprat penale “Vjedhja, e kryer në bashkëpunim” dhe “Përvetësim i mallrave të vjedhur”.

Materialet i kaluan Prokurorisë pranë Gjykatës së Shkallës së Parë Fier, për veprime të mëtejshme procedurale.