Nga Moisi Dalipi
– Episode dhe fakte për ndeshjet e 15.5.1996 dhe 12.08.1997
Momentet pikante të përballjeve Flamurtari –Tirana ose anasjelltas janë shoqëruar me ngjarje të veçanta që nuk harrohen lehtë.Kështu ndeshja e 12 Prillit 1982 në Vlorë, ku tifozët vlonjat nga zemërimi humbjes ka prerë shtyllat e portave . Por këto ditë të “ngujimit popullor” nëpër portale dhe gazeta ka filluar një “luftë” se kush do të thotë të” vërtetën” për dy ndeshje midis Flamurtarit dhe Tiranes në 15 maj 1996 për finale e Kupës dhe ajo e 12 gushtit 1997 për kampionat.
Në diskutimet,rrëfimet , ankesat, përveç futbollistëve trajnerëve , presidentëve të dy skuadrave, janë përfshirë dhe njerëz që nuk kanë lidhje me sportin, ndeshjen dhe futbollin .Ata flasin , “argumetojnë” dhe kërkojnë më shumë se askush tjetër edhe pse futbollin dhe dy ekipet Flamurtarin dhe Tiranën i njohin më shumë nga rrjetet sociale.Duke i lënë mënjanë këta të vetëquajtur“specialist –gazetar ” le të flasim më konkretisht.
Flamurtari dhe Tirana në sezonin 1995-1996 kishin siguruar daljen në finale të Kupës së Shqiperisë. Ndeshja finale është zhvilluar në 15 maj 1996, ora 18.00 në stadiumin “Qemal Stafa “ në prani të 9,500 shikuesëve. Flamurtari drejtohej nga trajneri Bejkush Birce dhe sposorizohej nga Ferdinat Kamberi dhe Shkëlqim Selami.
Skuadra vlonjate kishte në përberje futbollist cilësor jo vetëm nga Vlora , por dhe nga qyetete dhe skuadra të tjera si: Bushi ,Prega ,Perloshi , por kishte në përbërje dhe “garden” e vjetër me Arapin ,Daullen e Tahon .Tek Tirana kapiteni Minga ishte pikë referimi për gjithçka. Përballë ishin dy rivale të vjetëra dhe të ndenja për njëra-tjetrën,duke marrë mirë parasysh përballjet midis tyre të viteve 1980-1991.Gjyqtar i ndeshjes ishte Luan Zylfo i njohur ndryshe, si një tifoz i Tiranës.
Pjesa e parë 0-0. Flamurtari shënon i pari gol ,në minutën e 69` me anë të Viktor Daulles dhe barazon Tirana në minutën e e 72 ` me anë të Nevil Dedës.Stafi drejtues dhe tifozet e Flamurtarit protestojnë për prekje te topit me dorë nga autori shënimit golit të barazimit Dede.Për gjyqtarin Zylfo goli është i rregullt.Kundërshtimi nga kampi vlonjat është i ashpër, deri atje sa skuadra kërkon të braktis fushën e lojës. Ndërhyrja e shefit të klubit vlonjatë, Skender Ibrahimi dhe trajnerit Bejkush Birce ka rikthyer skuadrën në fushën e lojës. “Pranuan të vazhdonim ndeshjen , sepse kishim frikë për ndonjë ndëshkim dhe më të rëndë nga federata”- kujton trajneri Birce .
Deri në fund të kohës të 90 minuta rezultati nuk ndryshojë nga barazimi 1-1.U luajtën koha shtesë me 2×15 minuta ,por përsëri nuk ka fitues.Përcaktimi fituesit do të bëhej nga gjuatja e penalltive ..Për Tiranën shënojnë gola ,Alimehmeti,Minga,Ruhi dhe Malko dhe humbet Kukeli.Për Flamurtarin shënojnë Bushi ,Muka dhe Vito dhe humbasin Perloshi dhe Driza.
Pra rezultati përfundmitarë pas gjuatjes penalltive 4-3 për Tiranën, që shpallet fituesi Kupës së Shqipërisë për sezonin 1995-1996.Për atë gol të barazimit të bardhebluve, tani së fundi autori Dede shprehet se “edhe mund të ketë qënë kështu , por nuk e mbaj mend se ka kaluar kohë e gjatë tani pas gati 24 vjetëve”.Por pas asaj ndeshje, zemërimi vlonjatëve ka qenë i madh, por fakti që Tirana ishte dhe fituese e titullit kampion , bëri qe Flamurtari si finalist Kupe të marri pjesë në eventin evropian të Kupës -Kupave .Një arsye kjo që të bëjë që zemërimi vlonjatëve të ulet.
Shorti e vendos Flamurtarin në turin e parë të Kupës- Kupave përballë skuadrës sllovake Chemlon-Humene.Ndeshjet e zhvilluara më 8 gusht 1996 në Humene dhe 22 gusht 1996 në Tiranë, japin shifrat e dy humbjeve 1-0 dhe 0-2 .Pas këtyre ndeshjeve jep dorëheqjen nga drejtimi skuadrës, trajneri Bejkush Birce dhe në krye të pankinës vjen Lonidha Curri dhe Petro Ruci.Skuadra përforcohet në merkaton verore me prurje si Alliu ,Haxhiraj ,Paco e të tjerë futbollist cilësor .Në këtë kohë afrohet në skuadër futbollisti parë i huaj tek Flamurtari , që është qendërmbrotjësi braziliain Bedagi .
Kampionati sezonit 1996-1997 përbëhet nga 18 skuadra dhe do zhvillohej me dy faza. Në perfundim të fazës parë renditja është kjo :Flamurtari 37 pikë (penalizuar 4 pikë) ,Tirana 34 pikë,Vllaznia 33 pikë,Apollonia 31 pikë,Partizani 31 pikë dhe Shkumbini 26 pikë.Në muajin Mars 1997 kur do të niste faza e dytë e kampionatit ,shpërthimi i ngjarjeve të revoltës popullore të fajdeve në Vlorë, solli ndalësën e detyrushme të kampionatit.Shumë qytete të pjesës qendrore dhe jugore të vendit nuk ofronin kushte për zhvillimin e ndeshjeve.
Në muajin Maj 1997 në Tirane dhe Durrës zhvillohen ndeshja gjysëm finale e Kupës , ku Partizani në kryeqytet fiton me Lushnjën 2-1 dhe Flamurtari në “Niko Dovana” fiton me Dinamon me rezultatin 2-0.Flamurtari në këtë ndeshje drejtohej nga trajneret Latif Gjondeda dhe Rrapo Raho .Trajneri Curri dhe ndihmesi tij Ruci së bashku me mbrojtësin brazilian Bedagi, por dhe futbollist të tjerë të skuadrës ishin larguar në Greqi.Presidenti Selami e takonte rrallë skuadrën , por Gjondeda në kushte tepër të vështira zhvillonte stërvitje me ata pak futbollistë vlonjatë që kishin mbetur në skuadër. Në qershor 1997 në stadiumin “Qemal Stafa “ zhvillohet ndeshja finale e Kupës, ku Partizani është fitues i saj pasi ka fituar përballë Flamurtarit me shifrat 5-4 me penallti, pas rezultatit 2-2 të kohës së ndeshjes.
Në muajin korrik 1997 F.SH.F vendos që kampionati do zhvillonte ndeshjet me sistem grubullimi në qytetet Tiranë,Elbasan dhe Kavajë.Të 18 skuadrat do ndaheshin në tre grupe me nga 6 skuadra.Drejtuesit e Federatës të atyre viteve e shpjegojnë këtë zgjidhje me kushtet e sigurisë dhe kërkesat e U.E.F.A, për mbylljen e kampionatin në fushën e lojës. Dhe shpikja “novatore” e ustallarve të federatës i vendosi skuadrat në dy korsi , duke ju zeruar pikët që kishin ngrumbulluar gjatë 17 ndeshjeve të fazës parë .Pak kush edhe sot nuk di ta shpjegojë se përse u veprua kështu?
Kështu Flamurtari 37 pikë ,Tirana 34 pikë,Vllaznia 33 pikë,Apollonia 31 pikë,Partizani 31 pikë dhe Shkumbini 26 pikë do ti zhvillonin ndeshjet në kryeqytet me nga një takim, duke filluar nga gjendja zero e pikëve.Flamurtari kishte shumë largime nga rradhët e tij.Pas ndeshjeve të para me shumë interes pritej ballafaqimi Tirana –Flamurtari .Një ndeshje finale e vërtetë, ku do të përcaktohej fitimi titullit kampion për sezonin 1996-1997.Në 12 gusht 1997 , ora 17.00 në stadiumin “Qemal Stafa” përballë njëra tjetrës Tirana dhe Flamurtari.
Pak përpara ndeshjes mësohet se kjo ndeshje ishte besuar për tu drejtuar kolegjumin te gjyqtarët e Shkodres të përbërë nga: Astrit Isufi kryesor ,Rrok Nushi dhe Astrit Dervishi anësor dhe Farbardh Maci gjyqytar i katërt. Dhe kur pritej të fillojë ndeshja ndryshon gjyqtari kryesorë, duke larguar Astrit Isufin , (gjoja ka ardhur me vones në stadium) dhe në vend të tij caktohet Luan Zylfo i kolegjumit të kryqytetit.Vlonjatët protestojnë, sepse ky gjyqatar i kishte ndëshkuar një vit më parë në finalen e Kupës , po përballë Tiranës,për golin e barazimit të shënuar me dorë nga Dede .
Gjithsesi vlonjatët marrin garanci “për gjykim të paanshem” nga “kopetenti “federates përgjegjësi garave Besnik Cela .Pjesa e parë 0-0 me nje penallti të pamerituar por të pa realizuar nga Tirana.Në pjesën e dytë në minutën e 47` Fortuzi shënon për Tiranën. Vlonjatët reagojnë fortë në lojën e tyre dhe goli barazimit dukej se po afrohej .Në minutën e 82` sulmuesi Perloshi pengohet në zonë dhe Flamurtari kërkon penallti .Gjyqtari mendon ndryshe dhe lejon vazhdimin e lojës.Vlonjatët rrethojnë gjyqtarin duke protestuar.
Stadiumi përkrah skuadrës vlonjate .Hidhen shashka , tymuese dhe sende të forta ne fushë .Flamurtari braktis fushën e lojës,sepse skenari fuksionojë më së miri duke ja hequr Flamurtarit të drejtën për të fituar titullin kampion. Tani kur kanë kaluar afro 24 vjet nga ajo ndeshje po dalin në shesh dhe “mëkatet “Vet “kopententi” Çela e ka pranuar se goli barazimit të Tiranes në finale të Kupës në 15 maj 1996” mund të jetë i shënuar dhe me dorë , por janë gabime “ njerzore”.
Po kështu ai nuk jep një përgjigje të saktë për penalltinë që nuk ju është akoduar vlonjatëve në atë ndeshje për “titull” për sezonin 1996-1997 ?Pa pergjigje ka mbetur dhe pyetja se përse u ndryshua gjyqtari pak minuta përpara fillimit të ndeshjes Tirana-Flamurtari për titull kampion me 12 gusht 1997? Dhe këto “mëkate”, por dhe të tjera si këto , që kanë ndodhur jo pak në këto dekadat dhe vitet e fundit në futbollin shqiptar,siç duket në këto ditë të “ngujimit popullor” po tregojnë se ka ardhur koha të rrëfehen ashtu siç kanë ndodhur, për të qenë të “pastërt”përpara se virusi Covid -19 të infektoi mendjet .