Lisaveta është nënë e dy fëmijëve dhe ka në jetën e saj një histori të trishtë.
Ajo u bë sot pjesë e rubrikës “Ka njëmesazh për ty”, tek e “E diela shqiptare” dhe rrëfeu dhuën që ka përjetuar nga ish-burri i saj me të cilin ka qëndryar 14 vite e martuar.
“Ai ishte një person jo i dashur, jo i respektueshëm, më ofendonte në sy të njerëzve. Një rast i patolerueshëm ndodhi në dasmën e kushërirës sime. Ishim duke kërcyer në valle mami, motra dhe unë. Ai ngrihet, më tërheq nga krahu dhe më thotë ‘Dil nga vallja ose do të hedh nga kati i dytë’,- tregoi Lisaveta.
Moderator Ardit Gjebrea e pyeti për arsyen pse bashkëshorti i saj e bëri këtë veprim, dhe ajo vijoi:
“Për shkak se erdhi burri i motrës më kapi mua për dore në valle. Siç ishin motrat me radhë, unë isha e fundit, e vogla dhe ai erdhi në fund, pas meje. Për këtë gjë bashkëshorti erdhi më nxorri nga vallja, por nuk u mjaftuar me aq. Filloi të më gjuante me shkelma, më thoshte ‘Mos e ngri kokën, shiko vetëm pjatën’.
Në momentin që mbaroi vallja, ai i thotë burrit të motrës ‘Me ty s’dua të kem të bëj më fare. As për gëzim e as për hidhërim’. Për vite me radhë unë nuk kam folur me motrën”.
Lisaveta rrëfeu se dhuna vazhdonte të ishte e pranishem në jetën e saj çdo ditë deri kur ajo vendosi t’i jepte fund martesës.
Një ditë në orën 10:30 të darkës ishte hapur debat pse ajo kishte lyer flokët.
Sot Lisaveta kishte thirrur motrën për ta falenderuar që i ka qëndruar pranë.
Motra e saj, Dashuria e pranon ftesën dhe erdhi tek “Ka një mesazh për ty”.
“Dua të të falenderoj me gjithë shpirt për gjithçka që ti ke bërë për mua. Ti dhe familja jote keni qenë një mbështetje për mua në momentet më të vështira të jetës sime. Unë sot kisha ftuar edhe burrin tënd, Shkëlqimin për ta falenderuar edhe atë. Ai është distancuar, të vijë më shpesh në shtëpinë time dhe të të lejoj edhe ty të vish bashkë me fëmijët. Unë vetëm juve ju kam,”- i tha Lisaveta të motrës.
Pastaj ato të dyja u përqafuar dhe Dashuria i premtoi mbështetjen e saj të përhershme.
