Dy persona kanë mbetur të plagosur pasditen e sotme në Tiranë, si pasojë e dy aksidenteve të njëpasnjëshme.
Policia bën me dije se në bulevardin “Dëshmorët e Kombit”, u përplasën një makinë me një motor, ku për pasojë mbeti i plagosur drejtuesi i motorit.
Ai u dërgua menjëherë në spital, ku ndodhet jashtë rrezikut për jetën
Aksidenti tjetër ndodhi në vendin e quajtur “15-katshi”, ku mjeti me drejtues A. H., ka aksidentuar mjetin motor me drejtues K. Sh, i cili ndodhet në spital, jashtë rrezikut për jetën.
Njoftimi i policisë:
“Më datë 10.02.2021, në bulevardin “Dëshmorët e Kombit”, janë përfshirë në përplasje mjeti me drejtues B. H., me mjetin motor me drejtues L. A. Si pasojë e aksidentit është dëmtuar drejtuesi i motorrit shtetasit L. A., i cili ndodhet në spital, jashtë rrezikut për jetën.
•Në vendin e quajtur “15-katshi” mjeti me drejtues A. H., ka aksidentuar mjetin motor me drejtues K. Sh, i cili ndodhet në spital, jashtë rrezikut për jetën.
Vijon puna nga grupi hetimor për zbardhjen e rrethanave të aksidentit
