Administratorja
e kopshtit privat “Direm” në Tiranë, Anjeza Shabani, është dënuar sot
nga Gjyaka e Tiranës me 2 vite burg, nën akuzën e “keqtrajtimit të të miturve”.
Anjeza Shabani, akuzohej për
dhunimin dhe keqtrajtimin e një 3 vjeçari në kopshtin e saj në Sauk. Video
e dhunës, në të cilën Shabani shfaqej duke dhunuar 3 vjeçarin u publikua nga
emisioni investigativ “Stop” në qershor të këtij viti dhe tronditi
mbarë opinionin publik. Pas videos ajo u arrestua nën akuzën e
“keqtrajtimit të të miturve” dhe “shpërdorimit të detyrës”.
Prokuroria e Tiranës fillimisht
kërkoi 4 vite e 6 muaj burg për Shabanin, pasi ajo akuzohej edhe për
keqtrajtimin e 3 fëmijëve të tjerë si dhe “fshehje të të ardhurave”,
por pas gjykimit të shkurtuar, i jepet 1/3 e dënimit.
Në përfundim të hetimeve, Gjykata e
Tiranës ka dhënë vendimin duke e dënuar Shabanin me dy vite burg.
