DETAJE/ Si i ekzekutoi policja prindërit dhe dy vëllezërit me plumba në kokë

381
Sigal

Tri ditë më parë, policja Valdete Bllaca nga Gjilani vrau prindërit e saj, dy vëllezërit dhe më pas vetën.

Gazeta Sinjali mëson nga burimet e veta se në shtëpinë ku ndodhi vrasja u gjetën dhe u sekuestruan 17 gëzhoja të plumbave të armës Glock 19, me të cilët është kryer krimi, edhe pse sipas hetimeve ajo i kishte qëlluar ata vetën me nga dy plumba në kokë.

Burime të njëjta kanë bërë të ditur se, me këtë rast janë përdorur dy karikatorët.

Vëllai i madh, Fisnik Bllaca u qëllua për vdekje nga e motra, ndërsa ishte duke fjetur në dhomën e tij të gjumit. Ndërsa babai, Zeqir Bllaca dhe vëllai Blerim Bllaca janë vrarë në dhomën e ndenjës, e nëna Hanife Bllaca u qëllua për vdekje në një dhomë tjetër.

Pasi i vrau të gjithë anëtarët e familjes, dyshohet se policja qëndroi rreth3-4 orë mes kufomash. Pasi kaloi orë të tëra mes viktimave të saj, Valdete Bllaca doli në derë të shtëpisë për të mos e lënë të hyjë brenda tezen dhe bashkëshortin e saj që kishin shkuar për vizitë.

Pasi ishin përshëndetur me policen dhe kishin vendosur të largoheshin nga aty, tezja dhe bashkëshorti i saj dëgjuan dy krisma kur Valdete Bllaca i shkrepi drejt vetes.

Trupi i pajetë i saj u gjet në korridorin e shtëpisë, pranë të cilit u gjet edhe arma me të cilën ajo ekzekutoi katër anëtarët e familjes dhe në fund veten.