Aksident me dy të plagosur në Tiranë, i riu humb kontrollin e mjetit dhe përplas makinat e parkuara

33
Sigal

Një aksident ka ndodhur mbrëmjen e sotme në Tiranë, ku raportohet se kanë mbetur të plagosur dy të rinj.

Policia njofton se një 21 vjeçar ka humbur kontrollin e makinës dhe është përplasur me disa automjete të parkuara në rrugën e Kavajës. Ai ka mbetur i plagosur bashkë me një vajzë 19 vjeçare që ishte në makinë me të.

“Më datë 07.04.2021, rreth orës 20:35, në rrugën e “Kavajës”, shtetasi L. B., 21 vjeç, ka humbur kontrollin e mjetit dhe është  përplasur me disa mjete të parkuara aty në afërsi. Si pasojë e aksidentit është dëmtuar drejtuesi i mjetit dhe pasagjerja në mjet shtetasja A. A., 19 vjeçe, të cilët ndodhen në spital, nën kujdesin e mjekëve.”, njofton policia.

Vijon puna nga grupi hetimor për sqarimin e rrethanave të ngjarjes.