14 raste brenda 24 orëve, Shkodra kthehet në një vatër të rrezikshme të koronavirusit në Shqipëri

148
Sigal

Numri i rasteve pozitive me koronavirus është rritur ndjeshëm gjatë ditës së djeshme në Shkodër.

Vetëm gjatë mbrëmjes së të enjtes në Shkodër u konfirmuan 12 raste të reja me koronavirus duke e çuar në 14 numrin total të të prekurve të zbuluar vetëm gjatë 24 orëve të fundit.

12 rastet e mbrëmjes së djeshme janë të afërm të dy rasteve të paradites, të cilat u konfirmuan edhe nga ISHP.

Rastet e konfirmuara nga ISHP janë një burrë nga lagja Dobraç dhe një grua në lagjen Kiras, raporton abc news.

Pritet dalja publike e Ministrisë së Shëndetësisë për të konfirmuar rastet e reja në Shkodër duke e kthyer këtë rreth në një vatër të rrezikshme të infeksionit në vend.