Mëngjesi i kësaj të diele oborrin e spitalit “Shefqet Ndroqi” ose i njohur ndryshe si Covid 2 gjatë periudhës së pandemisë e gjeti të mbushur me autoambulanca.
Mjetet e urgjencës mbajnë radhë me pacientë që presin të shtrohen në spital.
Një ditë më parë Ministria e Shëndetësisë dhe Mbrojtjes Sociale njoftoi për 846 raste të reja dhe 19 humbje jete.
Aktualisht në katër spitalet COVID, po trajtohen 469 pacientë, 31 në terapi intensive, njëmbëdhjetë pacientë janë të intubuar.
