Barcelona nuk mori më shumë se një pikë në “San Mames” me Athletic Bilbaon, madje nëse katalanët nuk dolën të humbur nga kjo sfidë duhet të falënderojnë portierin Ter Stegen, që me disa pritje vendimtare, sidomos ndaj Inaki Williams, nuk lejoi prekjen e rrjetës.

“Blaugranat”, të lodhur edhe nga impenjimi në Kupën e Mbretit ndaj Realit të Madridit, zhvilluan një ndeshje nën nivelin e zakonshëm e duhet të jenë të kënaqur me këtë rezultat, që në njëfarë mënyrë ndez garën në La Liga, pasi Reali i Madridit tashmë është vetëm 6 pikë larg Barcelonës. 4 pikë “Los Blancos” i rikuperuan vetëm në dy javët e fundit, sfida të cilat Barça nuk arriti t’i fitonte.

0-0  përfundoi edhe takimi mes Valencias dhe Real Sociedadit, ndërsa Sevilla edhe pse me 10 lojtarë në minutat e fundit, arriti të shmangte humbjen me Eibarin, në kohën shtesë. Më herët takimi mes Leganes dhe Betisit përfundoi me rezultatin e thellë 3-0.