Raporti i DASH, PD: Ekonomia në rrezik nga PPP e korrupsioni

458
Sigal

Në raportin e Departamentit Amerikan të Shtetit, flitet mbi rrezikun që i kanoset ekonomisë nga korrupsioni dhe projektet e Partneritetit Publik Privat. Ish-deputetja e PD-së, Jorida Tabaku deklaron se këto janë problemet e ngritura më herët edhe nga demokratët.

”Raporti ngre të njëjtat shqetësime që ne kemi ngritur në lidhje me faktin që sot tregu i ka ngushtuar mundësitë, sot tregun e zotërojnë vetëm një numër i caktuar kompanish dhe e kanë të pamundur kompani të tjera që të hyjnë. Nuk kemi asnjë investim të ri që nga viti 2013 dhe nuk besoj që do të ketë nëse investitorët e huaj e lexojnë këtë raport”,-tha Tabaku për ”A2 Cnn”.

Tabaku analizon ecurinë e investimeve të huaja, në të cilat është fokusuar edhe raporti i Departamentit Amerikan të Shtetit. Të dhënat zyrtare të Bankës së Shqipërisë tregojnë se në fund të vitit 2018, investimet e huaja arritën në mbi 1 miliardë euro. Peshën kryesore e kanë mbajtur dy projektet e mëdha, gazjellësi TAP dhe hidrocentrali i Devollit, të cilat përfundojnë të dyja këtë vit.