Kryeministri i Kosovës, Ramush Haradinaj, do të vizitojë sot Tiranën, në të parën vizitë të tij jashtë shtetit që prej marrjes së detyrës.
Së bashku me delegacionin shoqërues, Haradinaj do të pritet në orën 10.00 në Pallatin e Brigadave, ku do të zhvillohet ceremonia ushtarake e mirëseardhjes.
Kryeministri i Kosovës do të ketë gjithashtu takime me Presidentin e Shqipërisë, Ilir Meta dhe kryetarin e Kuvendit të Shqipërisë, Gramoz Ruçin.
