Kreu i Grupit Parlamentar të LSI-së, Petrit Vasili ka reaguar mbi hapjen e hetimit nga ana e Prokurorisë për Zërin e Amerikës mbi investigimin e përgjimeve për blerje votash nga ana e Rilindjes në vitin 2017.
Vasili shkruan se ky hetim është hapur me urdhër të Edi Ramës, i cili ka kapur Prokurorinë.
Vasili shprehet gjithashtu se kjo Prokurori e turpit i ka mbyllur veprat penale Edi Ramës, duke renditur disa nga ato më të rëndat.
Statusi i plotë:
Prokuroria hap hetim për Zërin e Amerikës me urdhër të zvarranikut të karriges Edi Rama !!??
Faqe e zezë e Prokurorisë së kapur nga zvarraniku i pushtetit Edi Rama.
S’ka të krahasuar as me Partinë e Punës.
Kjo Prokurori e turpit i mbylli veprat penale Edi Ramës:
1.që i kërkoi policisë të bënte fushatë elektorale për Partinë Socialiste,
2.që mashtroi popullin dhe tha se kish bërë ekspertizën e audiopërgjimit të vëllait të ish ministrit të brendshëm,
3.që i mbylli çështjen pasi Edi Rama kërcënoi oficerin Emiljano Nuhu se tregoi fakte të vërteta kundra qeverisë.
Kjo Prokurori guxon dhe hap hetim për Zërin e Amerikës. Dhe ndaj kujt? Ndaj Zërit të Amerikës.
Ky është tamam fundi.
Kjo ishte Reforma në Drejtësi, ky ishte Vettingu, kjo është “drejtësia e re”.
Prokurori e vënë në shërbim të një zvarraniku pushteti si Edi Rama, këtij me të shpëlarit e më të pështirit e zvarranikëve të karriges me merimanga të pushtetit.