Ministri Panariti ndodhej sot në fshatin Bickë të Devolli, ku janë shfaqur të tjera vatra të Dermatozës Nodulare dhe pa nga afër situatën. Panariti vitizoi dhe shtëpinë e një fermeri, kafsha e të cilit kishte ngordhur nga LSD, ndërkohë që tjetrën e ka të prekur.
“I kërkoj Ministrisë së Financave zhbllokimin e menjëhershëm të fondit, për vaksinatorët.
Ato pak fonde që i kanë dhënë bujqësisë, të paktën të na i levrojnë, pasi vaksinatorët duhen paguar.
Nuk mund të vazhdojmë me këtë situatë, të lejojmë përhapjen e dermatozës, vetëm për faktin se bllokimit të fondit nga Minstria e Financave.
Nuk e di arsyen e bllokimit, por është detyrë e Financave, ndërkohë që vaksina është siguruar për gjithë numrin e gjedhit në Shqipëri, me ndërhyrjen time.
Kemi përgatitur një VKM, për fondet për vaksinimin, por qeveria nuk mblidhet dhe s’kemi mundur ti kalojmë deri tani”, është shprehur Panariti.
