Populli shqiptar vendos, a duhet ta mbajë ende në këmbë “qeverinë e mafias”
Martin Henze – Këshilltari i Merkel
Këshilltari i Grupit Parlamentar të CDU-së në Bundestagun gjerman, Martin Henze përmes një postimi në rrjetet sociale, u referohet përgjimeve të “Bild” dhe e konsideron qeverinë shqiptare si “qeveria e mafias Rama”, e cila sipas tij nuk ka përmbushur asnjë pikë të vetme për hapjen e negociatave me BE. Henze shprehet se është populli ai që duhet të bëjë diferencën dhe të zgjedhë mes “qeverisë së mafias” dhe forcave demokratike të opozitës. “E cilësuar nga prestigjiozja gjermane “BILD” si “qeveria e mafias Rama, mban përgjegjësi jo vetëm për gjendjen e keqe ekonomike, për shkatërrimin e sistemit gjyqësor dhe të parlamentit, për korrupsionin në administratën publike, varfërinë dhe largimin masiv të të rinjve shqiptarë, shkatërrimin e familjeve shqiptare, manipulimin në zgjedhjet e fundit parlamentare së bashku me mafian, por, gjithashtu është politikisht përgjegjëse sepse nuk ka përmbushur asnjë pikë të vetme për hapjen e bisedimeve me BE-në. E ashtuquajtura “qeveria e mafias Rama” është përgjegjëse për këtë. Tani është koha që populli shqiptar të vendosë: a dëshiron ta mbajë ende në këmbë këtë qeveri, mafian, urinë, varfërinë, korrupsionin, antidemokracinë, prostitucionin, trafikimin e drogës dhe largimin masiv apo dëshiron një të ardhme në Bashkimin Evropian? Nëse e populli dëshiron të ardhmen e tij në BE, duhet të bëjë një angazhim politik me forcat demokratike të opozitë.”-shkruan Henze.
