Llallës i skadon mandati, mazhoranca bëhet gati për Prokurorin e Përkohshëm ç’po ndodh tek “Ligjet”

Kryeprokurorit Adriatik Llalla i skadon zyrtarisht sot mandati, ndërsa për të gjetur zëvendësuesin e tij është mbledhur Komisioni i Ligjeve.

Kryetari i këtij komisioni, Ulsi Manja i qëndroi linjës së mazhorancës për të zgjedhur një prokuror të përgjithshëm të përkohshëm me 71 vota.

Por një gjë e tillë është kundërshtuar nga opozita e cila thotë se kërkon që Kushtetuta të prevalojë mbi çdo gjë dhe kryeprokurori të zgjidhet me 84 vota.