Komisioni Evropian paralajmëron Italinë: Nuk mund t’i çosh emigrantët në Shqipëri

107

Bashkimi Evropian: Ka rregulla të qarta për azil që janë të zbatueshme në të gjitha Shtetet Anëtare dhe autoritetet kombëtare

Në një shkrim të publikuar gjatë ditës së djeshme nga media e madhe italiane ilgiornale.it është botuar një deklaratë e zëdhënëses së Komisionit Evropian Natasha Bertaud, e cila ka shpjeguar se Italia nuk mund të dërgojë refugjatët e kërkuar nga Tirana në Shqipëri pa pyetur më parë vetë refugjatët nëse janë dakord që të shkojnë në këtë vend. Edhe gjatë ditëve të fundit organizata e të drejtave të njerëzve dhe përfaqësues të ndryshëm ligjorë kanë shprehur pamundësinë që refugjatët të shkojnë në Shqipëri.

Zëdhënësja e Komisionit Evropian Natasha Bertaud: Jo, nëse emigrantët nuk duan në Shqipëri

Në gazetën italiane thuhet gjithashtu duke iu referuar burimeve anonime evropiane: “Italia nuk mund të dërgonte azilkërkuesve potencialë në Shqipëri, nëse emigrantët nuk e pranojnë transferimin në baza vullnetare.” Fakti është se Komisioni Evropian, në korrik të vitit të kaluar, hodhi poshtë një zgjidhje të ngjashme të propozuar nga Austria dhe Danimarka. Ideja ishte transferimi i emigrantëve drejtpërdrejt në një vend tjetër BE, pa vlerësuar së pari kërkesat për azil. Nuk mundet në bazë të ligjit të BE-së për riatdhesimin të dërgosh dikë kundër vullnetit të tij, në një vend që nuk ka origjinën ose nëpërmjet të cilit nuk ka kaluar.” “Sipas dokumentit të Komisionit, “dërgimi i një azilkërkuesi në një vend të tretë pa e vlerësuar kërkesën për azil përbën një refuzim dhe nuk lejohet nga BE dhe ligji ndërkombëtar”. Në thelb, emigrantët që duhet të përfundojnë në Tiranë nuk mund të transferoheshin në Shqipëri “nëse ata nuk e duan atë”. Në Bashkimin Evropian, i kanë thanë gazetës italiane burime të BE-së, ka rregulla të qarta për azil që janë të zbatueshme në të gjitha Shtetet Anëtare dhe autoritetet kombëtare kanë përgjegjësinë për të siguruar që respektohet çdo procedurë.” Mesazhi duket i qartë. Deri natën e fundit, këto ishin zëra dhe burime anonime dhe zëdhënësit kishin refuzuar t’i përgjigjeshin çështjes në detaje. “Kjo është një marrëveshje dypalëshe” dhe Komisioni nuk ka “informacion të mjaftueshëm”, – u përgjigj zëdhënësja Lucia Caudet. Megjithatë, në mëngjesin e djeshëm, BE foli dhe sulmoi marrëveshjen midis Romës dhe Tiranës. “Për të dërguar emigrantët në Shqipëri, siç është paraparë me marrëveshjen e arritur mes qeverisë së Tiranës dhe asaj të Italisë në rastin e anijes “Diciotti”, Italia duhet të marrë pëlqimin e refugjatëve,” – tha zëdhënësja Natasha Bertaud. “Kur është fjala për marrëveshjet ndërmjet një Shteti Anëtar dhe një vendi të tretë, të dihen detajet që ju duhet për të kontaktuar ata, në këtë rast autoritetet italiane,”- tha zëdhënësja, duke theksuar se Komisioni është duke studiuar rastin. “Legjislacioni evropian aplikohet në këtë rast, si në të tjerët. Ka disa artikuj që duhet të merren në konsideratë” si “pëlqimi i popullit dhe, nëse janë apo jo ata azilkërkues.”