Dr. Ina Zhupa, zëdhënëse e PD: Plani i Veliajt për Parkun e Liqenit është betonizimi. Pse hesht Kryetari i Bashkisë?

106

Zëdhënësja e PD-së, Dr.  Ina Zhupa, akuzoi kryebashkiakun se prej tre ditësh po hesht për planin e publikuar nga PD-ja, i cili provon se tek Parku i Liqenit do të ndërtohet. “Ne e sfiduam Erion Veliajn t’u tregojë qytetarëve të vërtetën e planit të tij për Parkun e Liqenit, por Erioni Betoni hesht. Para tre ditësh i vumë në dispozicion publikut videon nga Agjencia Kombëtare e Planifikimit të Territorit dhe dokumente zyrtare që vërtetojnë se plani i betonizimit të parkut është i miratuar në detaje, me kulla mbi 9 kate dhe mbi 29 metra lartësi që do të kenë ambiente zyrash, banimi, shërbimi, parkingje nëntokësore. Ndërkohë, Erioni Betoni që del përditë në tv, për çdo tematikë, nuk del të japë përgjigje për betonizimin e Parkut. Sfida ishte publike, por, mesa duket, e ka të pamundur të mbulojë me gënjeshtra faktet dhe dokumentet për planin e pasurimit të tij dhe të mafias së ndërtimit dhe shkatërrimit të Tiranës.” – u shpreh Dr. Ina Zhupa, ndërsa shtoi se qytetarët kane të drejtë të dinë përpara zgjedhjeve, se çfarë planifikohet për tokën e tyre publike, për shëndetin e tyre, për gjelbërimin e vetëm që i ka mbetur Tiranës. Në vijim zëdhënësja e PD-së Dr, Ina Zhupa, ka disa pyetje për kryebashkiakun:

  • Pse Veliaj nuk merr përsipër përgjegjësitë për planin për betonizimin e Parkut?
  • Pse hesht Veliaj para qytetareve që duan të dinë fatin e mushkërive të vetme të qytetit?
  • Cilit oligark ia ka premtuar Veliaj ndërtimin e kullave në Parkun e Liqenit artificial?
  • Sa para të pista do të pastrohen nga ndërtimi në tokën publike në një zone që duhet të ishte e mbrojtur?
  • Cilat janë interesat dhe fitimet e tij dhe të shefit të tij në këtë aferë betonizimi të Parkut?