Një ngjarje e rëndë është regjistruar sonte në Shkodër.
Automjetit të një punonjësi të Tatimeve i është vendosur granatë.
Mësohet se granata është vendosur në mjetin e Nehat Zaganjorit dhe ngjarja ka ndodhur në vendin e quajtur Ura Dervishbeg. Fatmirësisht granata e vendosur në mjetin tip “Benz” nuk ka shpërthyer. Aktualisht në vendin e ngjarjes ndodhen forca të policisë. Nga të dhënat e para ka dyshime se sinjali kërcënues ndaj punonjësit të Tatimeve është për shkak të detyrës.