Motrat rrahin dhe kanosin me armë nusen e vëllait

111

Dy motra janë vënë nën akuzë, pas dhunës dhe kanosjes me armë ndaj nuses së vëllait të tyre.

Shpresa Derti 45 vjeçe, banuese në Dibër të Madhe, u arrestua nga policia gjatë kësaj të hëne.

Gjithashtu u procedua penalisht në gjendje të lirë 31-vjeçarja Z.M., banuese në Kukës, motra e të arrestuarës.

45-vjeçarja u vu në pranga pasi për motive të dobëta ka ushtruar dhunë fizike ndaj nuses së vëllait të saj A.Derti 28 vjeçe, banuese në Dibër.

Në konflikt është përfshirë edhe kunata tjetër e të dëmtuarës, Z.M., e cila ka kanosur me armë gjahu, pa fishekë nusen e vëllait.

Njoftimi i policisë:

Ushtron dhunë ndaj kunatës, arrestohet në flagrancë 45 vjeçarja, si dhe procedohet në gjendje të lirë motra e saj pasi kanosi kunatën me armë.

Sekuestrohet nga policia arma e gjahut.

Nga specialistët për Hetimin e Krimit në Komisariatin e Policisë Dibër, u arrestua në flagrancë shtetasja :

Sh.D, 45 vjeçe, banuese në Dibër të Madhe

Si dhe u procedua penalisht në gjendje të lirë shtetasja Z.M, 31 vjeçe, banuese në Kukës (motra e shtetases Sh.D).

Arrestimi i saj u bë pasi për motive të dobëta ka ushtruar dhunë fizike ndaj nuses së vëllait të saj shtetases A.D 28 vjeçe banuese në Dibër. Në konflikt është përfshirë edhe shtetasja Z.M e cila ka kanosur me armë gjahu, pa fishek shtetasen A.D.

Arma e gjahut, në momentin e sekuestrimit rezultoi pa fishek.

Arma është me leje dhe në pronësi të babait të dy motrave.

Materialet proceduriale do ti referohen Prokurorisë Dibër për hetime të mëtejshme.

(Në foto, arma e sekuestruar)