Një aksident i rëndë ka ndodhur në mesnatë, ku për pasojë dy të rinj kanë humbur jetën dhe 2 të tjerë janë plagosur. Burime nga policia thanë se ngjarja e rëndë ka ndodhur rreth orës 23: 40, në superstradën Fushë- Krujë – Thumanë, mjeti me targa AA 166 LA është përplasur ne trafik-ndarësen.
Në makinë kanë qenë 4 persona.
Fatkeqësish kanë ndërruar jetë në Spitalin Ushtarak Tiranë dy të rinjtë me inicialet R. K., 28 vjeç, banues në Tiranë dhe A. P., 25 vjeç, banues në Laç dhe ndodhen nën kujdesin e mjekëve shtetasit L. S., banues në Laç dhe B. D., banues në Tiranë.
Grupi hetimor po punon për sqarimin e rrethanave të ngjarjes.
Trupat e pajetë të viktimave janë gjetur herët sot në mëngjes.
