Aktivistë të Vetëvendosjes janë përleshur me policinë kosovare. Mediat kosovare raportojnë se disa aktivistë të Vetëvendosjes kanë tentuar të vendosin një udhëzim administrativ nëpër veturat që ndodheshin në oborrin e ndërtesës së re të Qeverisë së Kosovës, por nuk janë lejuar nga Policia e Kosovës.
Kjo e fundit, për t’i larguar aktivistët ka përdorur edhe sprai. Pas kundërshtimeve të oficerëve të policisë, disa aktivistë janë arrestuar. Në udhëzimin administrativ i rekomandohej të gjithë institucioneve shtetërore që për shkak të interesave familjare t’i shesin të gjitha veturat.
