Po priste avionin, udhëtari bie nga lartësia në aeroport

101

Një person u transportua me helikopter drejt spitalit, pasi ra nga lartësia.

Ngjarja e rëndë ndodhi mbrëmjen e së mërkurës në terminalin jugor të Aeroportit Gatwick, në Sussex të Anglisë.

Pamjet e publikuara nga mediat britanike tregojnë punonjësit e emergjencës që po i japin ndihmë udhëtarit, i cili ra gjatë kohës që po priste për të hipur në avion.

Një dëshmitar tha për mediat vendase se ai ra nga lartësia. Mbeten të paqarta rrethanat e ngjarjes, apo gjendja shëndetësore e të dëmtuarit.

Incidenti ndodhi para syve të shumë udhëtarëve që ndodheshin në aeroport, të cilët u shprehën të tronditur nga ngjarja.