Itali, shqiptarja e tronditur i del trenit përpara, makinisti: Dukej sikur po më priste, nuk e shmanga dot!

159

“E pashë atë papritmas, dukej sikur po më priste dhe nuk mund të bëja dot asgjë për ta shmangur”. Kjo ishte dëshmia e drejtuesit të trenit, që hodhi dritë mbi dinamikën e aksidentit që ndodhi mëngjesin e sotëm në linjën hekurudhore Brescia – Parma, në drejtim të rrugës Cremona, ku një grua u vra. Ishte një grua e re në moshë me origjinë shqiptare dhe me probleme të njohura.

Bazuar në këtë histori dhe në elementët e tjerë të mbledhur, pozicioni i trupit dhe historia personale e viktimës në veçanti, të gjitha këto e kanë bërë Policinë italiane të besojë se ky rast nuk ishte aksident, por një akt i paramenduar nga gruaja.