Tre ditë pas nisjes zyrtare të hetimit për “keqmenaxhim kriminal” dhe “shpërdorim detyre” dhe pasi është marrë në pyetje nga hetuesit zviceranë, Sepp Blatter është kthyer në punë në zyrën e tij në FIFA në Zyrih. “Nuk kam bërë asgjë ilegale apo të pahijshme”- është mbrojtur numri një i FIFA-s me anë të një deklarate për mediat- “Do të qendroj president deri në zgjedhjet e ardhshme në shkurt”. Përsa i përket parave që i ka dhënë Platinisë, Blatter tha se është “një kompensim dhe asgjë tjetër”.
Gjatë marrjes në pyetje të premten nga autoritetet zvicerane Blatter ka shpjeguar gjithashtu edhe motivin e parave të derdhura për Michel Platini, (1.83 milion euro), presidentit të UEFA-s dhe kandidat për ta pasuar atë në vitin 2011 për shërbimet e ofruara në periudhën 1999-2002. “Ai i ka shpjeguar prokurorëve se pagesat ishin të kompensimit dhe asgjë më shumë dhe janë llogaritur siç duhet në FIFA”, thuhet në deklaratë. Përshtypja është që “anija” Blatter është duke u fundosur dhe Presidenti dëshiron të marrë me vete ish-delfinin, i cili nuk është në regjistrin e të dyshuarve, shkruajnë mediat italiane.
