KAMËZ – Aksidenti tragjik i ndodhur mëngjesin e djeshëm në Kodër Kamëz, ka lënë pasoja të dhimbshme. Shoferja Rozina Koleci humbi kontrollin e drejtimit të automjetit, duke përplasur një djalë të ri me biçikletë si dhe tre këmbësorë.
Nga ngjarja e rëndë humbën jetën 29-vjeçari, Ramazan Isha, drejtues i biçikletës dhe një vajzë 7-vjeçare. Ndërkohë nëna dhe motra e kësaj të fundit u plagosën rëndë.
Burime nga spitali bëjnë me dije se nëna është në gjendje të qendrueshme dhe ka kërkuar të marre pjesë në varrimin e së bijës, por ende s’është lejuar
Vajza tjetër e Valbona Ndreut është më rëndë ende nën vëzhgim, nuk i është bërë ndërhyrja, ka goditje në kokë. Për ndërhyrjen kirurgjikale priten parametra te qëndrushëm jetësore.
Nga hetimet e deri tanishme dyshohet se Koleci ka shtypur gabimisht gazin në vend të frenave duke shkaktuar më pas tragjedinë.