DITË PROVIMESH
Këtyre vajzave s’u bëhet sot, të qeshin
Aty, përballë tavolinës sime
Dhe shoqja – shoqen, rrallë e përshëndesin
E kanë mendjen në provime
Të mërzitura, si me njera – tjetrën të jenë zënë
Për të bërë shaka s’u hapet goja
Se edhe Napoloni dikur pati thënë:
“Edhe njëqind beteja, me një provim do t’i ndrroja”.
S`NA ERDHI LIGSHT
Atë çast, që erdhe qetësisht
Si dy valë deti u përqafuam gjatë
Për kohën që humbëm, s’na erdhi ligsht
Se kohët kapen prap
Erërat, nga xhelozia, mllef hidhnin
Por erërat rrebele s’na hodhën dot në shesh
Se ne e dinim, e dashur, e dinim
Që ca mëkate do t’digjeshin brenda nesh.
