Jam era e çdo stine…
Nëse më pyet se kush jam unë
Përgjigjen ta jap me erën
Unë puthjet mbaj mbyllur
Në një re’të bardhë mbështjellë
Era kërkon urdhrin tim për ti nisur
Vjeshtën kam ndër duar
Me gjethet e thara,
Aty ndër gjethe je dhe ti
Nëse më pyet se kush jam unë ,
Pa ngurrim të përgjigjem
Jam puthja
Ajo e ngadalta ,
Pa nxitimin e ikjes
Ujin e reve të zeza fshij nga sytë e mi ,
Më tremb ai shi..
Se më pyet kush jam unë
Të përgjigjem, se jam deti blu
Ai që depërton pa ndroje syve të tu,
Bluja ime të zbukuron,
Të çlodh,të qesh ditën
Se do më pyesje kush jam unë
o ku jam
Unë do të përgjigjesha
Këtu dhe atje,
Me erën jam e shoqëruar
Duke të kërkuar
E kudo do të të gjeja ,
Luftë do bëja me botën e tërë
Për të të puthur
Për të të bërë të lumtur
E se më pyet tani kush jam
Do të të përgjigjesha
Me zërin e shpirtit
Jam era…
Era e çdo stine…
Jam ndërtuar nga shumë ëndrra
Jam ndërtuar
Nga ëndrra, shumë ëndrra
Të marra ndër duar
e shpesh më janë thyer aty.. . ndër gishta
Jam e ndërtuar nga bimë e lule
Që shpesh me frymë i mbaja të çelura
Por shpesh thaheshin nga lotët për ëndrrat e thyera
Unë ndjej mall për vende që nuk I kam parë,
Tokat që më përkasin e jo
Kam mall për përvojat e pajetuara
Edhe si i kam ëndërruar tashmë kam mall
Ato mbeten një dashuri e përhershme e imja
Unë jam ndërtuar nga çastet e pandalshme
Që shpeshherë më lënë pa gjumë
Unë eci edhe me symbyllur
Ka çaste që bëhem somnabul
Unë jam ndërtuar edhe nga lotët
Shpeshherë kam mbyllur sytë deri në dhembje
Që mos rridhnin , se më thanin ëndrrat
Por ata binin e brazda mi bënë rrudhat fytyrës
Kam qarë shpesh për gjërat
që kam dashur ti ndryshoj
Miqësitë që kam dashur të ruaj
Që i kam gjykuar kur i humba
E më pas jam penduar
Jam ndërtuar nga kujtime unë
Kujtime që kam frikë se mos i harroj
Kam frikë të plakem
Nuk dua të jem e ndërtuar me plakje..
Më dërgoni një ftesë dasme -gushti
Më dërgoni një ftesë dasme -gushti
Më ë keni harruar,
Qëkur ika këtej detit nuk kam parë dasma
Ma dërgoni thjesht ,
Pa shumë fjalë shkruar
Vetëm je e ftuar
Më ka marrë malli të shoh nuset e gushtit ,
Të pjekura nga dielli, me supet nxjerrë ,
Dritë argjendi hedhur,
Kanë flokëve lule behari
Më nxirrini nga sënduku veshjen
Që gjyshja i qepi nënës sime për nuse,
Atë me florinj ballit.
Më thërrisni pipzat e Rrajcës
Sapo të dal në krye të Shkumbinit
e me t’ja marr valles
Më dërgoni një ftesë dasme në gusht
Na harruat……
