Një grua e mençur nuk duhet të hedh vështrimin tek gjërat e vogla dhe pa rëndësi , por tek gjërat , të cilat i japin epërsi madhështisë së emrit të saj .
Kam arritur të kuptoj , se një grua inteligjente , di të shkelë me zgjuarsi jo vetëm udhë që kanë dritë , por dhe shtigje të mbuluara nga errësira apokaliptike , në kërkim të universit të dritës . Por kam njohur shumë gra , të cilat thyhen moralisht dhe heqin dorë nga vepra e bërë nga mendja dhe gishtërinjtë e tyre , duke bërë që ëndrrat e tyre t’i mbulojë përgjithmonë pluhuri i harresës . Gratë inteligjente janë si trëndafili diellor në gdhendje argjendi , që nuk i humbet shkëlqimi asnjëherë dhe kur e kafshojnë me dhëmbë stuhi të frikshme . Unë dëshmoj energjitë e pashtershme që kemi ne gratë , besoj se përderisa arrijmë të sfidojmë Luginën e Vdekjes , me guxim e vendosmëri , mund të sfidojmë të këqijat e shpirtit njerëzor dhe të zbusim egërsinë e kësaj bote.
