“Komplot”
Ç’e gjet’ dhinë: Ngado të shkojë,
Pas, si bisht, një paranojë…
Bën të flejë e nuk fle dot:
“Kolegët thurin komplot”!
Turfullon e dot s’e ndan:
Komplotet, janë për luanë…!
Protestë
Në një fshat (quhej Pocestë),
hidhen dhitë në protestë.
Fjalën merr ndër dhitë, më dhija:
“Të ikë Baloja nga shtëpia!”
Çoban ziu gjuhën nduku:
“Mblidhni mendtë, ju shqeu ujku!”
Shoqëri
Ujku plak-ujkut bir:
“Çakalli s’është shok i mirë,
zgjidh një më të mirë se veten…”
“Dëgjoi” biri,
javën tjetër,
zuri të dashur një… dhelpër!
Gomarica dhe fshatari
Gomarica priti gjatë,
më në fund, ja, pjell binjakë…
Prej gëzimit sa s’po lot:
“Dy, ta mbushin gojën plot!”
Shpejt fshatari fre i vë:
“S’mbushet goja me…çdo gjë!”
Qesëndisje
Mjekër e bardhë qesëndis
faqen e zezë të zotërisë…
