Të dashurosh të nesërmen është çka don”
Sa mirë qe je larg sot
Mbase nesër do të mungoj
Sa mirë që ike kështu
Se po nesër do të më kërkosh!
Buzëqesh kur era më ledhton fytyrën
Një ndjesi kuptoj, puthjen tënde mbi buzë
Sa mirë që largësia ekziston
Por unë qesh nga sipër se brenda vajtoj!
Agimeve kafen e shijoj e vetme
Shikimi ngulitur në një rrugë tradhëtare
Edhe pse gjetheve ju ardh koha të bien
Dashurisë i kanë çelur petalet!
Sa mirë që je larg sot se munda të njoh veten
Të duash është pak për sot, s’të premton
Të dashurosh të nesërmen është çka don
Sa mirë që ekziston largësia!
Midis meje dhe teje mbeti fjala
Rikthim me pranga të shtrenguara
Dy duar që mbetën peng i dashurisë
U ndryshkën por kurrë s’u lëshuan!
