Faqja zyrtare e sponsorit kryesor të Kombëtares së Kosovës, Fourteen, e ka publikuar fanellën e veçantë të cilën “Dardanët” do ta veshin në ndeshjen e rëndësishme kundër Republikës Çeke këtë muaj.
Përballja mes Çekisë dhe Kosovës, e cila do të zhvillohet më 14 nëntor në “Doosan Arena”, do të jetë vendimtare për fatin e të dyja Kombëtareve në Grupin A kualifikues për Kampionatin Evropian 2020
Çekia radhitet në pozitën e dytë në tabelën e Grupit A, me një pikë më shumë të fituar sesa Kosova, përderisa Anglia është lidere e grupit. Me fitore në përballjen e 14 nëntor, Çekia do ta fitonte kualifikimin në EURO 2020, ndërsa Kosova do të duhej të tentonte edhe një herë përmes play-offs të Ligës së Kombeve.
Prezantimin e plotë të fanellës së veçantë të Kosovës për këtë ndeshje mund të ndiqni në videon e mëposhtme.
