Skënder Gega largohet nga drejtimi i Partizanit

981
Sigal

Partizani festoi para pak ditësh titullin kampion pas 26 vitesh, por një lajm i bujshëm po qarkullon në orët e fundit. Trajneri Skënder Gega ka vendosur që të largohet nga drejtimi i të kuqve.

Siç raporton “Supersport”, palët kanë vendosur që të mbyllin bashkëpunimin mes tyre. Trajneri 55-vjeçar erdhi në drejtim të Partizanit në verën e vitit 2018, dhe që në vitin e parë arriti të rikthejë në shtëpinë e kuqe titullin kampion, pas plot 26 vitesh mungesë.

Në 36 javë kampionati, Partizanin nën drejtimin e Gegës e mbylli me 70 pikë, teksa arriti plot 20 fitore, 10 barazime dhe 6 humbje.