Trajneri i Rumanisë, Mirel Radoi, publikoi listën e futbollistëve që do të grumbullojë për ndeshjet eliminatore ndaj Islandës dhe Lihtenshtajnit, ku bie në sy prezenca e Enes Sali, i cili është vetëm 15 vjeç.
Sali ka luajtur në 7 takime në ligën e parë të Rumanisë me skuadrën e Farul Constanta, skuadër me të cilën ka shënuar edhe golin e tij të parë në karrierë si profesionist.
Ai u bë futbollisti më i ri që ka shënuar në ligën e parë të Rumanisë. Enes Sali ka lindur në Kanada, teksa ka qenë edhe pjesë e akademisë së Barcelonës.
