Revista “Sports Illustrated” ka zgjedhur Cristiano Ronaldo-n si sportistin më në formë. Revista amerikane ka hartuar një renditje prej 50 personash, më të përgatiturit për praktikën sportive, dhe lojtari portugez i Real Madridit është i pari.
“Futbollisti i famshëm i Portugalisë është i famshëm dhe perfekt fizikisht, por muskujt e barkut për t’u patur zili janë produkt vetëm i Cristiano Ronaldos, – thotë “Sports Illustrated” mbi CR7. – Trajnimi i tij mbulon të gjitha aspektet e kondicionimit fizik dhe mendor: nga sprintet dhe stërvitjet specifike në futboll deri te peshëngritja dhe rezistenca”.
“Sports Illustrated” e ka përpiluar këtë renditje duke vlerësuar faktorë të tillë si forca, shpejtësia, qëndrueshmëria, gatishmëria, fleksibiliteti dhe performancat e tyre gjatë 12 muajve të fundit. Sportistët që përfundojnë në dhjetë vendet e para janë: LeBron James (NBA), Roger Federer (Tenis), Mat Fraser (Crossfit), James Harrison (NFL), Odel Beckham Jr. (NFL), Russell Westbrook (NBA), Wayde Van Niekerk (Sprint), Conor McGregor (UFC) dhe Jordan Burroughs (Wrestling).
