Prokuroria kërkon gjashtë muaj burg, ja akuza që rëndon ndaj yllit spanjoll

71

Diego Costa rrezikon shumë. Sulmuesi i Atletico Madrid u akuzua një vit më parë se nuk kishte paguar rreth një milion euro taksa. Prokuroria spanjolle ka lëshuar një akuzë ditën e sotme për 31-vjeçarin.

Gazeta sportive spanjolle “AS” raporton se akuza e ngritur parashikon gjashtë muaj burg për lojtarin dhe një gjobë prej 500 mijë eurosh. Seanca gjyqësore është caktuar për të enjten e ardhshme. Një tjetër problem për bomberin e njohur.

Ky sezon është karakterizuar nga dëmtime të shumta dhe Diego Costa numëron vetëm 13 ndeshje të zhvilluara me “Colchoneros”, gjatë të cilave ka shënuar dy gola dhe ka dhuruar po kaq asiste.