Ndryshim planesh për sulmuesin e Kombëtares, Juventusi dërgon Vrionin në… Serinë B

56
Sigal

Sulmuesi i Kombëtares shqiptare, Xhiakomo Vrioni, ishte shumë pranë transferimit në MLS, ku e priste New England Revolution, por duket se tashmë do të ketë ndryshim planesh për talentin kuqezi.

Juventusi kërkon me ngulm këtë verë që të afrojë talentin e Xhenoas, Andrea Kambiaso, por negociatat nuk po shkojnë ashtu siç duhet.

Siç thekson “La Repubblica”, klubi bardhezi po mendon që të përfshijë 23-vjeçarin shqiptar në këmbim të mbrojtësit italian, i cili për Xhenoan ka luajtur dhe si mesfushor krahu.

Nëse ky shkëmbim ndodh atëherë Vrioni do të duhet të luajë në Serinë B sezonin e ardhshëm, pasi Xhenoa nuk arriti të mbijetonte në elitë.