/Gazeta TELEGRAF
Ditët e fundit të këtij muaji Mars, do të kthejnë në skenën sportive , ndeshjet e ekipit tonë kombëtar për eleminatoret e botërorit “Katar 2022”. Me kalendarin e ndeshjeve përpara veçojm ë me kujdes faktin se në datat 25 , 28 dhe 31 të Marsit 2021 ekipit tonë kuqezi do ‘i duhet të zhvillojë ndeshjet me Andorën , Anglinë dhe San-Marinon. E veçanta e këtij kalendari për ndeshjet e para në grup, qëndron në atë se skuadra jonë ndeshjet me Andorën më 25 mars dhe atë me San-Marinon më 31 Mars , do t’i zhvillojë në transfertë , kurse atë më Anglinë më 28 Mars në Tiranë në stadiumin “Air –Albania”.
Kësisoj , skuadra kombëtare e futbollit shqiptar nis edicionin e saj të tretë me trajnerin italian . 76 vjeçarin Edi Rejën në krye të saj. Edicioni i parë , ka qenë me atë ndeshje për “Euro 2020”, i dyti në Ligën e Kombeve me ngjitje një ligë më lart dhe i treti do të jetë ky për Kupën e Botës, “Katar 2022”. Pra, trajnerit Reja që i duhen më pak se një muaj që të mbylli periudhën dy vjeçare në krye të pankinës të kombëtares shqiptare , do t’i duhet të përballet për këto eleminatore me një grup skuadrash që kanë histori , përvojë dhe rezultate positive në këto vende të nivelit botëror si Anglia , Polonia , Hungaria. Dhe nuk është e tepërt ta themi se kombëtaret e këtyre tre vendeve evropiane kanë të konfirmuar tanimë dhe shkollat e tyre të futbollit me plot përvojë dhe sukses . Asnjë nënvlerësim do thoshnim dhe për ato që dikush i quan dhe vlerëson si skuadra të vogla , si Andora dhe San-Marino. Faktet kanë treguar se Shqipëria është e fortë me të fortët dhe e dobët me ata që i quajnë të dobët. Për të qënë më konkret le të sjellim këtu bilancin e ndeshjeve Shqipëri-Andora, ku janë zhvilluar 5 ndeshje , nga të cilat 3 fitore për kuqezinjtë , 1 barazim dhe 1 humbje me golavarazhin 9-4.Humbjen me këtë skuadër e kemi pësuar në fushën e tyre me rezultatin 2-0 më 17.4.2002, kurse barazimin me shifrat 2-2 është regjistruar në “Elbasan-Arena”më 14.11.2019. Pak rëndësi ka këtu rradha kronologjike e fitoret tona me këtë kundështar, që nisin me atë fitore 2-0 në 6.2.2000 në turneun “Rothamans” dhe që në pamje të duket modest , por që luan futboll si gjithë vende e tjera evropiane .Nisur nga këto detaje që duhet vlerësuar , dje në mëgjes trajneri Reja së bashku me disa futbollistë , pasi ka marrë linjën drejt Barcelonës ku do të përgatisë këtë ndeshje është shprehur se:
” Me Andorrën kemi pasur një eksperiencë të keqe, e cila nuk duhet në asnjë mënyrë të përsëritet. Për ne kjo është ndoshta ndeshja më e rëndësishme në këtë moment dhe më pas do të mendojmë për të tjerët. Duhet të mendojmë për këtë ndeshje, kemi pasur precedentë negativë, por nuk duhet të ndodhë në asnjë mënyrë, mbi të gjitha për një skuadër kombëtare si e jona nuk duhet t’i lejojë vetes në asnjë moment një rënie përqendrimi. Diferencën e bën përqendrimi, shpirti i skuadrës dhe dëshira për të bërë ndeshjen kushdo qoftë kundërshtari. Nuk duhet të ketë ulje të përqendrimit. Ky duhet të jetë dhe mentaliteti ynë, aq më tepër tani që morëm dhe një kënaqësi siç ishte ai i ngjitjes një kategori më lart në Ligën e Kombeve, por tani kemi një përgjegjësi të madhe, sepse në Ligën B do të gjejmë skuadra më të forta. Në këtë këndvështrim duhet të jemi të fortë edhe ne, mbi të gjitha në aspektin karakterial dhe në aspektin e përqendrimit. Sepse këto janë elementët që bëjnë diferencën” . Por pasi ka lënë pas dhe listën me 28 futbollistët që do t’i duhen për këto tre ndeshje i pyetur se me sa pikë do të kënaqeshit në tri ndeshjet kundër Andorës, Anglisë dhe San Marinos , trajneri Reja është përgjigjur : –Mirë do të ishte 9 pikë, por edhe 7 nuk janë keq…(qesh). Përtej batutës, mendoj se do të ishim vërtet të kënaqur me 7 pikë. Duhet të jemi realisët. Kështu pra, nga llogaritjet që duhen bërë rezulton se në këto tre ndeshjet e para , që do të zhvillohen mbrenda 6 ditëve , trajneri Reja i ka vendosur si objektiv skuadrës të marrë 7 pikë. Duke shkuar më tej për trajnerin italian skuadrës tonë kuqezi llogarit i dalin për të marrë fitore në ndeshjet e transferes kundër Andorës dhe San-Marinos dhe barazim me Anglinë në Tiranë . Llogaritë kështu bëhen , jo vetëm nga trajneri dhe skuadra, por dhe nga të tjerë që e bëjnë të kryer këtë punë ende pa u zhvilluar ndeshjet. Nga analiza rezulton se këtë gjë e dëshirojmë të gjithë, por të jemi me këmbë në tokë për gjithëçka që flasim dhe dëshirojmë . Atyre çfarë thamë për bilancin që kemi me Andorën, që është dhe kundërshtari ynë parë në këtë ndeshje startuese do t’i shtonim dhe këto dy fakte.
Ajo humbje e Shqipërisë në fushën e tyre ka ndodhur përpara 19 vjetëve dhe trajner nga qënë Sul Demollari , por barazimi 2-2 në 14 Nëndor 2019,në atë ndeshje për kualifikueset e evropianit 2020 të zhvilluar në “Elbasan –Arena” trajner ka qenë vet italiani Reja . Të gjithë e mbajnë mend mirë gjëndjen që i krijua në skuadër pas kësaj ndeshje dhe si e justifikoi trajneri Reja këtë dështim. Krejt ndryshe foli trajneri i Andorës, ish portieri veteran Koldo Alvares dhe dhe futbollistët e tij . Ai barazim ishte i rrallë jashtë fushës për këtë skuadër në këto kualifikuese , ashtu si dhe fitorja 0-1 ndaj Maqedonisë në vitin 2006. Ndërkohë si rezultatet pozitive në fushën e tyre andorasit mbajnë fitoret me rezultatn 2-0 në ndeshjet miqësore ndaj Bjellorusise dhe Shqipërisë , dhe barazimet pa gola 0-0 ndaj Maqedonisë dhe Finlandës. Skuadra ka shijuar sukses shumë të pakët për shkak të popullsisë të pakët të vendit, pasi është shteti i pestë më i vogël i UEFA-s , ashtu si dhe Lihtenshtajni, San Marino, Gjibraltari dhe Ishujt Faroe. Fakti që janë pranuar në F.I.F.A dhe U.E,F.A në vitin 1996 tregon qartë se nuk kanë përvojën për t’u ballafaquar me ekipet auroritare të futbollit evropian. Madje ndeshjet edhe si pritëse Andora i ka luajtur në fusha jashtë kufijve të saj.
Vetëm më 9 shtator 2014, kombëtarja filloi të luajë ndeshjet si vendas në stadiumin e ri Estadi Nacional me kapacitet 3,306 vende. Në këtë stadium ka marrë atë fitore 3-0 , më 25 mars 2019 trajneri Sul Mema dhe Ervin Bulku , pasi trajneri Panuci ishte shkarkuar. Me pak fjalë kjo është Andora , kundështari i pari për ekipin tonë kuqezi , për këto eliminatore për finalet e botërorit “Katar -2022”, që kërkon vlerësimin e duhur për të shmangur suprizat e pakëndshme. Dhe pas kësaj ndeshje “programi” javës të ndeshjeve të ekipit kombëtar do jetë përballë Anglisë në stadiumin”Air –Albania”. Një stadium që ka sjellë shumë debate dhe të lakohet për keq gjëndja e fushës dhe investimet pa efektivitet, që janë kryer .Gjithsesi , ndeshja do të zhvillohet pa tifozë, sepse ajo që u shpresua nga opinioni sportiv për praninë e 30 % të tifozëve është refuzuar për shkak të protokollit sanitar të Covid -19. “Tre Luanët” e Anglisë do zbresin në Tiranë pas ndeshjes që e kanë llogaritur të fituar ndaj San Marinos dhe llogaritë i bëjnë vetëm për fitore për të shkuar tre ditë më vonë ndaj Polonisë si skuadër kryesuese me dy fitore. Trajneri Italian Reja në llogaritë që bën ndoshta ruan suprizën ndaj ishullorëve që në 4 përballjet me Shqipërinë kanë vetëm fitore mbrenda dhe jashtë, madje me rezultate tenistike, siç është ai i 26 .4.1989 me rezultatin 5-0. Por dhe në tre ndeshjet e tjera ku ato të Tiranës më 8.3.1989 0-2 dhe ndeshja e 28.3.2001 me rezultatin 1-3 nuk janë pak. Por t’ju shtosh këtyre tre fitoreve dhe të ndeshjes të zhvilluar në Njukastëll më 5.9.2001 me rezulatin 2-0 , golavarazhi i tyre shkon në shifrat 12-1.
Natyrisht që kjo Angli nuk ka Lineker, Berdslej, Uodell, Robson , Ouen e tjerë , ashtu si dhe Shqipëria që nuk ka Nallbanin . Demollarin , Bubeqin e tjerë. Që të dyja skuadrat kanë një brez tjetër me futbollistë dhe trajnerë në drejtim . Anglezët vijnë me autoritetin e traditës në fitore edhe këtu në Tiranë , kurse kuqezinjtë shpresojnë tek ndonjë suprizë, që ndryshe do thotë se dhe një pikë është e kënaqshme , siç i bën llogaritë dhe trajneri Reja . Siç duket trajneri Reja ka mësuar mirë historinë e kombëtares tonë në ndeshjet e viteve dhe dekadave të kalura si barazimi 0-0 ndaj R.F,GJ , më 17 dhjetor 1967 , fitorja 2-0 ndaj Belgjikës, më 22 dhjetor 1984 , ajo ndaj Rusisë me rezultatin 3-1,, në Shkodër më 29 mars 2003, si dhe fitoren e 4 shtatorit 2004 ndaj Greqisë me rezultatin 2-1. Pas tre ditëve dhe të jemi më të saktë më 31 mars, përsëri ndeshje transferte përballë San-Marinos. Dy ndeshje miqësore që kemi me këtë kundërshtar janë dy fitore me rezultatin 3-0 më 16.gusht 2006 dhe 8 qershor 2014. Por përtej këtyre llogarive , që bën trajneri Reja dhe skuadra , ato janë më shumë dëshira, hipoteza dhe parashikime që duan të thonë se do jenë këto tre ndeshje të ekipit tonë kombëtar, që do të vërtetojnë gjithçka. Madje më shumë se çdo gjë tjetër do të shikohet dhe se si do t’i dalin llogaritë trajnerit Reja, që kërkon të marrë 7 pikë, në 6 ditë.