SUPERIORE/ Ish-sulmuesi i Tiranës, Mahir Halili, shikon luftën sportive jo në nivelin e pritshëm
Agron KAJA
Dy javë pushim pa ndeshje zyrtare në Abissnet Superiore kanë nisur, si po ndikon kjo hapësirë te skuadrat?
Ato skuadra që kanë vazhduar me ritëm kampionatin, duhet që të mos e humbin këtë ritëm. Si Vllaznia që ka patur një ecuri të mirë, edhe pse humbi me Kukësin. Mendoj se kjo hapësirë i shërben shumë gjendjes fizike të skuadrave.
Si e përshkruani situatën e skuadrave në 28 javët e luajtura të Abissnet Superiore?
Për mua, në në këto 28 javë surprizë është Vllaznia, ndërsa Egnatia nuk është në ritmin e duhur, sidomos pas vdekjes së sulmuesit Duamena. Tirana ka patur largime të lojtarëve cilësorë, po kështu edhe Partizani. Të tjerat kanë patur luhatje.
Duke ju referuar renditjes, çfarë mund të thuhet për seicilën skuadër në këto 28 javë?
Për të gjitha skuadrat në 28 javë nuk ka ritëm dhe patur stabilitet. Vetëm Vllaznia ka patur ritëm dhe stabilitet, edhe pse e humbi ndeshjen me Kukësin. Pavarsisht pikëve dhe renditjes në tabelë, skuadrat janë aty-aty mes tyre në lojë e në renditje.
Kemi një skemë të re në Superiore me “Final 4”, si po ndikon kjo në ecurinë e ndeshjeve dhe pozicionin e skuadrave në renditje?
Unë mendoj se “Final 4” nuk është skemë e keqe, sepse skuadrat janë më të prokupuara nga kreu në fundin e renditjes. Është skemë që i shërben rritjes së cilësisë në kampionat, e në ndeshjet e “Final 4” do ketë shumë tifozeri në stadium.
Ku mendoni se do jetë lufta më e fortë në tetë javët e mbetura: Në krye, në mes apo në fundin e renditjes?
Të gjitha skuadrat do të kenë luftë të fortë sportive deri në mbyllje të 36 javëve të kampionatit. Sepse të gjitha janë në lojën e arritjes së synimeve të tyre, dhe luftë më e fortë besoj se do të zhvillohet edhe në vendet e fundit të renditjes.
Java e 29-të nis të të premten e 29 marsit, mendoni se kalendari përball çifte interesante e të vështira?
Të gjitha unë i mendoj ndeshje të vështira, madje edhe Egnatia që luan me Kukësin mund të ketë ndonjë surprizë, që në këtë kampionat kanë qënë të pakta. Gjithsesi, mundet që kjo hapësirë dyjavore pushim ti ndryshojë skuadrat në lojën e tyre.
Cilën e veçoni si ndeshjen më delikate të kësaj jave?
Si ndeshje më delikate mendoj Tirana-Teuta. Sepse skuadra e Tiranës ka patur luhatje gjatë fazës së dytë e të tretë, edhe pse në javën e kaluar fitoi me Dinamon. Ndërsa Teuta është duke u ngritur gradualisht në lojë, dhe mund të surprizojë.
Cili është parashikimi juaj për renditjen përfundimtare të Superiores, pas javës së 36-të?
Unë them se Vllaznia do jetë në krye të renditjes në fundin e kampionatit, ndërsa si katërshe në “Final 4” do jenë edhe Egnatia e Partizani. Mes Skënderbeut e Tiranës do dalë skuadra e katërt, ndërsa fundi mbetet kështu siç është tani në renditje.
PLAY-OFF “EURO 2024”
Tre finalistët e fundit për “Gjermani 2024”
Ndeshjet Play-off
E martë, 26 mars 2024
Gjeorgji-Greqi 18:00
Ukrainë-Islandë 20:45
Uells-Poloni 20:45
Të martën më 26 mars 2024, do të mbyllen ndeshjet e Play-off-it për të shkuar në “Euro 2024”, me skuadrat të cilat u kualifikuan pas ndeshjeve të para Play-off. Gjashtë skuadrat që u kualifikuan për këtë tur do të nxjerrin tre fitueset, të cilat do ti bashkohen 20 skuadrave të tjera të kualifikuara në finalet e Kampionatit Europian “Gjermania 2024”, si dhe Gjermanisë skuadrës pritëse. Në bazë të shortit, janë grupet, D, E dhe F, të cilët do presin nga një finalist pas ndeshjeve që do të luhen të martën, 26 mars 2024. Kështu, Ukraina u kualifikua në këtë tur pasi mundi Bosnje&Herzegovinën dhe do ndeshet me Islandën, ndërsa Greqia fitoi thellë 5-0 me Kazakistanin dhe ndeshet me Gjeorgjinë. Me rezultatin e thellë 5-1, Polonia mundi Estoninë dhe do luajë në Uells, ndërsa Islanda eliminoi Izraelin. Nga ana e tij, Uellsi eliminoi Finalndën pasi fitoi 4-1, ndërsa Gjeorgjia fitoi 2-0 ndaj Luksemburgut. Ndeshjet luhen në fushat e skuadrave pritëse në kalendar, ndërsa Ukraina do luajë me Islandën në stadiumin “Tarczynski Arena”, nëVrocllav të Polonisë.
ABISSNET SUPERIORE
NDESHJET, JAVA 28
E premte, 29 mars 2024
Egnatia-Kukësi 15:00
Vllaznia-Erzeni 19:00
Tirana-Teuta 19:00
E shtunë, 30 mars 2024
Laçi-Partizani 15:00
Dinamo C.-Skënderbeu 18:00
RENDITJA
Skuadrat Nd Pikë
1.Egnatia 28 51
2.Vllaznia 28 49
3.Partizani 28 46
4.Skënderbeu 28 40
5.Tirana 28 39
6.Dinamo City 27 36
7.Laçi 28 31
8.Teuta 27 31
9.Erzeni 28 27
10.Kukësi 28 25
KATEGORIA E PARË
NDESHJET, JAVA 26
E mërkurë, 27 mars 2024
Korabi-Flamurtari 14:00
Kastrioti-AF Elbasani 14:00
Burreli-Bylis 14:00
Besa-Bylis 14:00
Apolonia-Tomori 14:00
E enjte, 28 mars 2024
Lushnja-Vora 14:00
RENDITJA
Skuadrat Nd Pikë
1.AF Elbasani 25 59
2.Bylis 25 58
3.Flamurtari 25 46
4.Vora 25 45
5.Apolonia 25 36
6.Korabi 25 36
7.Lushnja 25 28
8.Burreli 25 28
9.Kastrioti 25 26
10.Luzi 2008 25 21
11.Besa 25 19
12.Tomori 25 14
8 javë
Në Abissnet Superiore janë edhe 8 javë për tu luajtur deri në mbyllje të kampionatit, përjashtuar ndeshjet e “Final 4” dhe ato Play-off
