Lionel Messi po bëhet gati të presë ardhjen në jetë të djalit të tij të tretë me bashkëshorten Antonella Roccuzzo. Pas Thiago, 5 vjeç, dhe Mateu, 2 vjeç, çifti i martuar në fundin e qershorit të kaluar po bëhet gati për një tjetër ditë të shënuar në jetën e tyre.
Po kësaj here Antonella ka ditur ‘të bëjë zhurmë’ me shtatëzaninë e saj, që sipas mediave argjentinase është në muajin e shtatë.
Partnerja e pesë herë fituesit të “Topit të Artë” shfaqet në njërën nga dhomat e shtëpisë së saj luksozë në Barcelonë, duke pirë çaj. Antonela në foto duket e ulur në dysheme, me gotën e çajit të vendosur mbi barkun e saj. Leo, ndërkohë, shfaqet në divan, duke buzëqeshur.
