KATEGORIA SUPERIORE/ Dukuritë e fillimsezonit, binjake me paraardhësit në financa e probleme
Ndeshjet e Skënderbeut dhe të Kukësit në Europa Ligë detyruan shtyrjen për një javë të startit të Kampionatit të 75-të Kombëtar (Kategoria Superiore), dhe dita e parë e do të trokasë sot vetëm me tre takime të javës së parë të saj, me ndeshje të cilat vetëm në letër duken si të thjeshta, pasi ende skuadrat nuk i dinë mirë forcat e njëra-tjetrës në fushën e lojës. Më në fund, topi do të nisë rrotullimin e tij dhe rrjetat e portave do të shkunden zyrtarisht nga pluhuri i stinës që i kishte zënë në këto tre muaj pushime verore. Superiorja shqiptare do të sfidojë kështu edhe motin e nxehtë të gushtit me 6 ndeshje, ku brenda tyre do të jenë fshehur të gjitha skenat dhe prapaskenat që një start pranon në lojën e futbollit. Gjithsesi, edhe pse Superiorja do të nisë sot, duket se brenda saj ka shumë e shumë probleme te skuadrat, financiarë e organizues, të bartur dhe të rinj mes të cilëve ajo do të “flirtojë” përsëri, duke e kthyer këtë model startimi në një traditë në çdo fillimsezoni. Kësisoj, edhe pse ky start është gati, ende ka futbollistë e trajnerë që nuk kanë marrë pagat e dy-tre muajve të fundit në sezonin e kaluar, ende ka skuadra që nuk e dinë se çfarë buxheti kanë për të përballuar sezonin, e për më shumë, ka ende presidentë klubesh të vetëshpallur apo të zgjedhur si të tillë, të cilët me ose pa dashje, nga dija apo nga injoranca para ligjeve të futbollit, nuk kanë të qarta detyrimet e tyre për skuadrat dhe luhaten në dilema personale e kërcënojnë “të rri apo të iki”. Qoftëlargut, por kështu ndonjë skuadër do të ngryset e pasur e do të zgjohet e varfër! Ndërkohë që më i pakuptimtë është fakti se edhe ky sezon futbollistik do të nisë me skuadra bashkiake, shpatullat financiare të të cilave janë shumë të dobëta për t’i mbajtur këto skuadra në një futboll normal, por veçse për mbijetesë. Të gjithë aktorët e futbollit do na nisin këtë sezon të ri, 2013-2014, edhe pse vetë ata (në pjesën më të madhe të skuadrave) nuk kanë siguri për të sotmen e klubit apo të skuadrës së tyre, ndërsa e ardhmja duket si një “gogol” që do t’i shoqërojë deri në mbylljen zyrtare të tij. Kjo situatë ka bërë që ende të ketë skuadra të paformatuara plotësisht në përbërjen e tyre, por ka edhe ka trajnerë që po “ulërijnë” ditë për ditë për mangësi në organizim e përbërje në skuadrat e tyre, për financa të dobëta e të pa garantuara, për federime ende në ajër, për të mos folur pastaj për pagesat e para që asnjë president apo bashki nuk ka denjuar ta bëjnë. Dhe para këtyre fakteve, nuk dihet nëse FSHF-ja edhe këtë herë do ta bëjë “një sy qorr e një vesh shurdh” për hir të garës të cilën ajo zyrtarisht e drejton. E gjithë kjo problematikë e cekur në formën e dukurive negative në këtë fillimsezoni, natyrisht që nuk është për herë të parë. Ulje e ngritjet e tyre e kanë shoqëruar futbollin tonë në 20 vitet e fundit, në të cilët pretendohet se është transformuar shoqëria shqiptare nga një sistem i vjetër në një sistem të ri. Por, realiteti shqiptar është ndryshe, e këtu futet edhe futbolli. Kambanat që periodikisht bien mbi këtë futboll, nuk janë për veshët e shurdhër, por as edhe për ata që dëgjojnë nga njeri vesh dhe veshin tjetër e kanë të bllokuar nga interesa të ngushta personale, financiare, e pse jo edhe politike. Edhe pse ka kaq shumë probleme që nuk mbulohen dot si të tillë, ky start nuk ndryshon nga të kaluarit, ai sot do të nisë. Udhë të mbarë!
Somario
Kampionati po nis, por ende ka skuadra të paformatuara plotësisht në përbërjen e tyre, ka trajnerë që po “uturijnë” ditë për ditë për mangësi në organizim e përbërje, për financa të dobëta e të pa garantuara, dhe për të mos folur pastaj për pagesat e para që asnjë president apo bashki nuk u kanë dhënë asnjë kacidhe
Kategoria Superiore
Skuadrat e Sezonit 2013-2014
1.Skënderbeu
2.Kukësi
3.Teuta
4.Flamurtari
5.Tirana
6.Vllaznia
7.Laçi
8.Kastrioti
9.Besa
10.Bylis
11.Lushnja
12.Partizani
Ndeshjet, java e 1-rë
Datë 31 gusht 2013
Vllaznia-Flamurtari 17:00
Teuta-Bylisi 17:00
Kastrioti-Partizani 17:00
Datë 1 shtator 2013
Tirana-Laçi 17:00
Skënderbeu-Besa 17:00
Datë 4 shtator 2013
Lushnja-Kukësi 17:00
Rezultatet në javën e parë
Sezoni i kaluar 2012-2013
Kukësi-Luftëtari 0-0
Vllaznia-Skënderbeu 1-3
Apolonia-Kastrioti 1-1
Bylis-Flamurtari 1-1
Laçi-Besa 1-1
Tomori-Tirana 0-1
Shkumbini-Teuta 0-1
Gjoka: “Flamurtarin e shoh në mesin e artë”
Trajneri i Flamurtarit, Ernest Gjoka, tha për gazetën “Telegraf” se, skuadra vlonjate edhe pse është modeste do të bëjë gjithçka për të qenë në mesin e artë të Kategorisë Superiore, pra midis gjashtë vendeve të para.
– Zoti Gjoka, Flamurtari e nis sezonin me transfertën e Vllaznisë në Shkodër. Cili është vlerësimi juaj?
– Flamurtari i këtij fillimsezoni është një ekip modest,por dhe me ambicie për të qenë një ekip i fortë. Vllaznia është një kundërshtar, të cilin e respektojmë. Do të bëjmë më të mirën tonë, për të marrë një rezultat pozitiv në “Loro Boriçi”. Ne do të bëjë gjithçka për të qenë në mesin e artë të Kategorisë Superiore.
– Skënderbeu dhe Kukësi dhanë një shembull të mirë në arenën ndërkombëtare, që mund të shërbejë jo pak për ekipet tona…
– Mendoj që, për pak më shumë fat sonte do të kishim një ekip shqiptar në arenën europiane, ishte një performacë fantastike nga të dyja ekipet tona si Kukësi e Skënderbeu, që na bëjnë të lumtur! Jam shumë i bindur që, dhe ekipet tona do të jenë shumë shpejt në elitën e futbollit europian, dhe këtë gjë e tregoi skuadra e Skënderbeut, e cila me më shumë fat te penalltitë do ta kishte bërë atë ëndërr realitet!
– Të enjten u nda nga jeta trajneri i njohur, Artan Bushati. Një prej miqve tuaj…
– Është një humbje e madhe, për të gjithë ne që e njihnim Tanin. Jam shumë i mërzitur dhe gjithmonë pyes veten pse Zoti merr gjithmonë para kohe ata njerëz që dinë të qeshin.
– Kombëtarja jonë do të luajë në Slloveni dhe Islandë. Si e parashikoni?
– Kombëtarja jonë është në një moment ku mund të bëjë historinë, por dhe po nuk e arriti unë personalisht vlerësoj shume punën dhe sidomos organizimin e kësaj Kombëtareje. I uroj suksese ne ndeshjen e radhës.
Dinamo e nis kundër Veleçikut në Pukë. Elbasani pret Tërbunin. Në Lushnjë do të luhet Apolonia-Shkumbini
Starton sot Kategoria e Parë
Kategoria e Parë do të nis sot rrugën e gjatë të sezonit të ri. 16 skuadrat pjesëmarrëse kanë njohur kundërshtarët javë pas jave duke nisur që nga data 31 gusht kur do të zhvillohen edhe përballjet e para. 8 takimet e javës së parë do të luhen të gjitha në orën 17:00 ku Dinamo do të udhëtojë drejt Pukës për t’u ndeshur me debutuesit e Veleçikut. Një tjetër përballje interesante e kësaj jave është edhe ajo mes Kamzës e Luftëtarit, ndërsa dy skuadrat e rëna nga Superiorja, Apolonia dhe Shkumbini do të përplasen që në javën hapëse. Kategoria e Parë është një kampionat më shumë rivalitet dhe me kundërshtarë të fortë. Kampionati mbyllet me duelin Elbasani-Dinamo, dy skuadra që kanë bërë emër në futbollin shqiptar, por që tani janë në kategorinë inferiore. Dinamo ka fituar 18 tituj kampionë në Superligë, ndërsa Elbasani, dy. Kampionati i Kategorisë së Parë starton, më 31 gusht dhe do të mbarojë më 10 maj të vitit të ardhshëm. Faza e parë përfundon më 21 dhjetor. E dyta nis në shkurtin e vitit tjetër. Sezonin e ardhshëm (2014-2015), kampionati i Kategorisë së Parë do të ndryshojë format pasi 20 skuadrat pjesëmarrëse do të ndahen në dy grupe me nga dhjetë skuadra. Sipas kalendarit të hedhur, kampionati mbyllet me duelin Elbasani-Dinamo, dy skuadra që kanë bërë emër në futbollin shqiptar. Dinamo ka fituar 18 tituj kampionë në Superligë, ndërsa Elbasani, dy.
KATEGORIA E PARË/ GJASHTË JAVËT E PARA
FAZA E PARË
JAVA I
31.08.2013, 17:00
Veleçiku-Dinamo
Albpetrol-Butrinti
Himara-Tomori
Adriatiku-Burreli
Pogradeci-Ada
Apolonia-Shkumbini
Kamza-Luftëtari
Elbasani-Tërbuni
Java II
07.09.2013, 16:00
Dinamo-Tërbuni
Luftëtari-Elbasani
Shkumbini-Kamza
Ada-Velipoja
Burreli-Pogradeci
Tomori-Adriatiku
Butrinti-Himara
Veleçiku-Albpetrol
Java III
14.09.2013, 16:00
Albpetrol-Dinamo
Himara-Veleçiku
Adriatiku-Butrinti
Pogradeci-Tomori
Apolonia-Burreli
Kamza-Ada
Elbasani-Shkumbini
Tërbuni-Luftëtari
Java IV
21.09.2013, 16:00
Dinamo-Luftëtari
Shkumbini-Tërbuni
Ada-Elbasani
Burreli-Kamza
Tomori-Apolonia
Butrinti-Pogradeci
Veleçiku-Adriatiku
Albpetrol-Himara
Java V
28.09.2013, 16:00
Himara-Dinamo
Adriatiku-Albpetrol
Pogradeci-Veleçiku
Apolonia-Butrinti
Kamza-Tomori
Elbasani-Burreli
Tërbuni-Ada
Luftëtari-Shkumbini
Java VI
19.10.2013, 14:30
Dinamo-Shkumbini
Ada-Velipoja
Burreli-Tërbuni
Tomori-Elbasani
Butrinti-Kamza
Veleçiku-Apolonia
Albpetroli-Pogradeci
Himara-Adriatiku