Celine Dion detyrohet të marrë një vendim të rëndësishëm për shkak të gjendjes shëndetësore

126
Sigal

Celine Dion po përfundon turneun e saj Botëror “Courage” në Shtetet e Bashkuara dhe në Kanada.

Këngëtarja ndau lajmin me fansat të shtunën, duke thënë se do t’i duhej të kalonte pranverën duke u rikuperuar nga “spazma e rëndë dhe e vazhdueshme e muskujve” që po pengon aftësinë e saj për të përformuar.

“Unë me të vërtetë shpresoja se do të isha mirë, por supozoj se duhet të jem më e duruar dhe të ndjek regjimin që mjekët e mi më përshkruajnë,” tha Dion në një deklaratë.

“Ka shumë organizim dhe përgatitje që shkon në shfaqjet tona, dhe kështu ne duhet të marrim vendime sot që do të ndikojnë në planet dy muaj më vonë.

Do të jem shumë e lumtur të rikthehem në shëndet të plotë, si dhe të gjithë ne të kalojmë këtë pandemi dhe mezi pres të rikthehem përsëri në skenë”.

Pjesa e mbetur e turneut botëror të “Dion’s Courage” në Amerikën e Veriut ishte caktuar për datat midis 9 marsit dhe 22 prillit.

Dion kishte kryer tashmë 52 shfaqje në të gjithë Amerikën e Veriut për turneun, duke filluar përpara se pandemia COVID-19 të mbyllte argëtimin drejtpërdrejt në mars 2020.