Gjatë këtyre ditëve janë infektuar edhe shumë personazhe të njohur dhe i fundit që ka dhënë këtë lajm është Ardit Gjebrea. Moderatori ka zbuluar se ka rezultuar pozitiv me Covid-19 dhe se është izoluar në shtëpi prej 2 ditësh. Ai ka treguar se e ka marrë me qetësi këtë situatë, sepse e vetmja simptomë që ka është një temperaturë jo shumë e lartë.
Po me “E Diela Shqiptare”, çfarë do të ndodhë? Gjebrea është shprehur se emisioni do të vazhdojë dhe se ai do e drejtojë nga shtëpia e tij.
“Dita e dytë-pozitiv! Nuk po obobo-hem, sepse me temperaturë jo shumë të lartë jam. E ç’mund të bëjë njeriu i mbyllur në shtëpi? Mendon gjithmonë për punën dhe në fakt, me gjithë vështirësitë që na përballi koha a zhvilloi instiktin e gjetjes së alternativës që në këtë rast do të thotë: E Diela Shqiptare do të zhvillohet të dielën sigurisht bashkë, por nga shtëpia”, shkruan Gjebrea.
