Xhelal Mziu: Partia Demokratike ka platformën më të mirë për mirëqenien dhe punësimin e familjeve shqiptare

Drejtuesi politik i qarkut të Dibrës, Xhelal Mziu ka zhvilluar një takim elektoral me  strukturën e PD dega Dibër , ku është  diskutuar mbi strategjinë  e këtyre zgjedhjeve. Takimi u karakterizua nga një atmosferë motivuese, me fokus tek angazhimi i çdo anëtari për të komunikuar drejtpërdrejt me qytetarët.

Në qendër të diskutimeve ishte platforma qeverisëse e PD-së, e cila synon të ofrojë zgjidhje konkrete për punësimin dhe mirëqenien e familjeve shqiptare.

Gjithashtu, u theksua rëndësia e bashkimit dhe organizimit të strukturave për të maksimizuar mbështetjen në zgjedhjet e 11 majit.

Xhelal Mziu:

Me super-strukturën e PD dega Dibër!

Takim motivues por dhe energjik dhe frymëzues me ekipin e strukturës kryesore të PD Diber!

Është mbresëlënës motivimi i gjithëseicilit për të trokitur në çdo derë, për të biseduar me njerëzit dhe për t’u thënë të vërtetën e këtyre zgjedhjeve:

Partia Demokratike ka Platformën më të mirë qeverisëse, ka dëshirën, ka vullnetin, ka aftësinë për të bërë ndryshimin dhe për ta dërguar Shqipërinë në BE.!

Plani ynë ka një objektiv të vetëm: Të sigurojë mirëqenie dhe punë për familjet shqiptare në vendin tonë! Bashkimi ynë është çelësi për të arritur këtë objektiv!