Më 27 dhjetor AKUM i jep tenderin “De Mare” dhe “Victoria Invest” për 18.5 milion euro me tvsh. Në maj të 2020 të gjitha punimet i nënkontraktohen kompanisë Artcon, të Denis Ymerit, i cili është shoferi i Mirel Mërtirit për 6 milionë euro.
Gazetari Klodian Tomorri ka përmbledhur në pak rreshta aferën korruptive me Eco-Park në Porto Romano. Në 1 prill 2019 është lidhur kontrata mes “Integrated Energy BV SPV” dhe “Casanova-Hernandez Architechten” për zhvillimin e projektit të Ekoparkut Durrës. Gazetari tha kjo kontratë është firmosur 6 muaj para se të hapej tenderi, 2 muaj para se të njoftohej publikisht si projekt nga kryeministri Edi Rama. Ndërkohë, në muajin tetor të po këtij viti shpallet tenderi për mbylljen e vend depozitimit ekzistues dhe ndërtimin e ekoparkut me fond 1.9 miliardë lekë me TVSH. Më pas ndodh e papritura. Tre ditë para shpalljes së fituesit qeveria anulon tenderin me sebepin e tërmetit. Tomorri thekson më tej se më 27 dhjetor AKUM i jep tenderin “De Mare” dhe “Victoria Invest” për 18.5 milion euro me tvsh. Në maj të 2020 të gjitha punimet i nënkontraktohen kompanisë Artcon, të Denis Ymerit, i cili është shoferi i Mirel Mërtirit për 6 milionë euro. Gazetari tha: “Pra afera e Porto Romanos, që denoncoi Partia Demokratike përmblidhet kështu:
- Në datën 1 prill 2019, lidhet kontrata mes Integrated Energy BV SPV dhe Casanova-Hernandez Architechten për zhvillimin e projektit të Ekoparkut Durrës. (6 muaj para se të hapej tenderi, 2 muaj para se të njoftohej publikisht si projekt nga Kryeministri).
- Maj 2019, kryeministri deklaron në “Opinion” që do mbyllim vend-depozitimin e mbetjeve në Porto Romano dhe aty do të bëjmë një ekopark.
- Tetor 2019 shpallet tenderi për mbylljen e vend depozitimit ekzistues dhe ndërtimin e ekoparkut me fond 1.9 miliard lekë me tvsh. Dy ditë para shpalljes së tenderit “De Mare” hap kompani në QKB.
- Tre ditë para shpalljes së fituesit qeveria anullon tenderin me sebepin e tërmetit.
- Më 16 dhjetor qeveria merr vendim që prokurimi të bëhet me negocim të drejtëpërdrejtë.
- Më 21 dhjetor lidhet kontratë bashkëpunimi mes “De Mare srl” dhe “Victoria Invest International”.
- Më 27 dhjetor AKUM i jep tenderin “De Mare” dhe “Victoria Invest” për 18.5 milion euro me tvsh.
- Në 14 maj të vitit 2020 joint venture “De Mare-Victoria” ia nënkontrakton punimet kompanisë “Artcon” për 6 milionë euro. “Artcon” zotërohet nga Denist Ymeri, shoferi i Mirel Mërtirit” – tha gazetari Klodian Tomorri.
Ai tha se kjo dosje hetohet nga SPAK prej më shumë se 3 vjetësh dhe nuk ka asnjë veprim. Gazetari shtoi edhe se: “Ah po thuhet se vitin e kaluar i sekuestruan dokumentat “Victoria Investit”, por në fakt aty pjesa dërrmuese e parave kanë kaluar nga “De Mare”. (“Victoria” mori vetëm një pjesë të vogël për të shmangur ndonjë denoncim të papritur potencial që mund të vinte nga opozita.) Pastaj “De Mare” i ka shpërndarë paratë atje ku duhet të shkonin. Dhe po të ndjekësh ku i ka çuar “De Mare” paratë, aty bien shumë lepuj brenda përfshirë dhe shkrimtarë. Por ça i duhet SPAKU-t të hetoj këto punë. Bjerini Malltezit aty, këputeni se kjo dosja këtej do t*pe të mëdha” – tha gazetari Klodian Tomorri.